وجدان هذا العالم وتكوينه

وجدان هذا العالم وتكوينه….للخمسه والخمسه وجود العالم..والعالم إلها وبيها

هاي منظومه ومعاني الخمسه بيها توصفت
بأبجد الحرف وحسابي وبالرموز تنظمت
هنا يهالمستمع إصغي لهالمعاني لو بدت
بحروف أبجد لو ردت تحسبها……….
بضمن الأبيات الآتيه تسمعها..بس فكرتك صفيها

ال ( م ) منه بدت رحمه وعلى المخلوگ إشملت
ال ( ح ) حياة إنتجت منه وروح الإسلام إنشأت
بثاني ( م ) مياه قدره ال ( د ) دوحتها روت
هاي الحروف الأربعه المذكوره……….
( الميم ) ( ح ) و ( الميم ) ( دال ) إخبطها..وإنت تعرف صافيها

ال ( ع ) عالكفار صارت سيف بالرؤوس إحصدت
ال ( ل ) للباب إقلعتها وأفنت الما وحدت
ال ( ي ) يد الله وعلى يد المشركين إعتلت
بالقلم يا راعي القلم من تجمع ……….
حروف الثلاثه وتفتح تكسرها..يظهر إسم راعيها

ال ( ف ) فاطم من تمسك بالولاية من النار
ال ( ط ) طريق الجنه واضح سمح للإسلام صار
ال ( م ) منها إهدعش كوكب زهت بالعالم أنوار
بهاي الحروف العبقرية تظهر ……….
صديقة الطاهره ومن التكوين..رب العلى مسميها

ال ( ح ) حلم وإحسان صار ومنه الكون إنشحن
ال ( س ) سن الكرم سنه وشعت بعين السنن
ال ( ن ) نعمه وفاز بيها اللي تمسك بالحسن
هاي الحروف الحسنه من تحسنها ……….
بفن القراءه وبفضل راعيها..نور الحسن جاليها

ال ( ح ) حيى فروع الأحكام وشيد أركان الأصول
ال ( س ) سد خلة المله اللي بدت عگب الرسول
ال ( ي ) يقين ال ( ن ) نور الهدى الساطع ما يزول
باربع حروف تركبت هالمعنى……….
أولها (ح) و (س) وال (ي) تتبع..وبالنون إخذ تاليها

أنشأ المعبود خمسه وجعل بيهم هالصفات
ميم ح والميم دال أنشأ محمد للنجاة
ع ل ي جمعها علي وللمشرك ممات
بحساب أبجد لو ردت تحسبها……….
ميتين وثنين والثنين تساوي..والفاكره تساويها

وأنشأ الدوحة النور النبع من عدها النمه
وفازت الشيعه بثمرها وأزهت الأرض وسمه
ف ط م ة بالجمع صارت فاطمة……….
بالخمسه وثلاثين ضيف الميه……….
وهاي أعداد رموز إسم الزهره..بفن العلم تلگيها

وأنشأ الأنشاء الجود وفيض الكون بكرم
ورضع من ثدي الإحسان ومن ثدي العصمه إنفطم
ح س ن إسم الحسن بالعالم علم……….
عالميه ضيف ثمنطعش واجمعها
إسم الحسن ينحصي بهاي الأعداد..والمطلع يحصيها

وأنشأ العالملك فضله شمل والجن والبشر
وأحيى دوحة دين جده المصطفى بدم النحر
ح س ي ن متوضحه مثل الگمر………….
وثمانيه وعشرين فوگ الميه ……….
حروف إسم الحسين بقلم كسرها..والقلم ما يخفيها

من خمسميه وثلاثه والثمانين إكملت
وحدر الأثنين وثمانين البهاليل إدخلت
من السمه الميتين والسبعه واربعين إنزلت
جبريل هذا السادس ويا الخمسه……….
وأثنين وثمانين إخذ معناها..هذا الكسا الچاسيها

يوم حدر الكسا إنجمعت والأنوار مهلهله
ويوم عد جسم الحسين إنجمعت بطف كربلا
مد رسول الله يمينه الراس سبطه تناوله
ركب الراس لجثته……………..