مشوار الحب والآمال تابعت أدروبه

مشوار الحب والآمال تابعت أدروبه    قلبي العاشق والميّال عبد ألمحبوبه
بالمحشر يوم الخوف مغفورة أذنوبه    بولاية أهل البيت مقبولة التوبه

واضح طريق الإيمان والواضح ما يتأول    لمّن ينّص القرآن قول الله ما يتبدل
يوم الغدير المعروف آيات بيه تتنزل    معناها حيدر يا شاك مو رابع هوه الأول
يا محلى أبراس الكرار تاج الإمارة    فاق البشر بآياته وسجّل صدارة
لِلحَبَه والوالاه جنة مكتوبه    بولاية أهل البيت مقبولة التوبه

اثنعشر إمام المرسول كل ساعة بيهم يحدي    ويعددهم بالأسماء من حيدر حتى المهدي
يا شاك كل شي مذكور غضّ البصر مايجدي    بلياهم يا جنة اتريد خلك صريح اوجِّدي
اثنعشر إمام اوتشهد كل المساند    عددهم لو ان تقدر كافي تعاند
بس عدنه هالأطهار اثنعشر محسوبه    بولاية أهل البيت مقبولة التوبة

ادروب النجاة اوكل خير ينبع لطف من عدهم    عالأمة صاروا أسياد والمصطفى سيدهم
الله رفعهم عالناس لو ان دعوا ما يردهم    باب الشفاعة المقفول مفتاحه حقها أبيدهم
امحبتهم نور امن الله تهطل علينه    وأعله بحور الأهوال حبهم سفينة
شمس اوحاشاها أبغيمات تبقى محجوبه    بولاية أهل البيت مقبولة التوبه

من فطرتي لهذا اليوم ماضي أبطريق الهادي    و أهل الإمام الأكرام هم عزوتي وأسيادي
بالأولى هم درب الفوز بالآخرة أمجادي    من ﭽفهم أشرب كوثر وأروي دليلي الصادي
ربي يحشرني اويه الآل شيعي أبدرهم    لنِّي أقسمت أبكل حال ما أنسى حبهم
حبهم أصل الإيمان مو حب ألعوبه    بولاية أهل البيت مقبولة التوبه