شاعر: راضي الفيصليرادود: أحمد الباوي
رسم درب العقيدة .. من دم المحراب
مشينا وما نبالي .. رغماً عالارهاب
كل تابوت .. يعلى الصوت .. حد الموت .. حيدر ياحيدر
رادت أجيال النواصب تحرف الدين بمسيرة
دين تكفير العقائد سار بيهم ديرة ديرة
بدا تفجير المراقد مشت عدهم چاللهسيرة
بالافواه تريد تطفي نور أقمار المنيرة
هتفاً أمن المناير .. وبصوت المسموع
لون قبة اتفجر .. نبنيها أمن أضلوع
عدنا جواب .. للأرهاب .. داحي الباب .. حيدر ياحيدر
صوت للمشاية يدوي الهوى وحيد يبقى أول
حيدرة القرآن ناطق يقرأ روحة لو ترتل
بالشدايد والملاحم حيدرة بحيدر توسل
نهج أبوالقاسم نهاجنا ابلا ولاية ماتكمل
على أئنوف الضغينة .. أشماتزرع إلغام
علمنا يامحمد .. فوق أمن الأعلام
عيب أنبيع .. الغيرة أنطيع .. والتوقيع .. حيدر ياحيدر
ابدرب أبو اليمة أنجمعنا بالمشي عدنا القضية
صافرة أنذار عدنا يحسين أبن الزچية
أحنا تيار العقيدة أو ماتعارضنا المنية
أشما تطشرنا الأعادي نجتمع بالغاذرية
يحب عشقة ابجنونة .. يمشي بلا رجلين
القلب يتعدى جسمة .. بس يوصل لحسين
بالتفجير .. مهما يصير .. ابلا تزوير .. حيدر ياحيدر
معنى مطلاق الحقيقة حيدرة بنور الجلالة
منبع الأنوار نورة النور مايكسر ظلالة
أحنا سرنا أبهالعقيدة وهالدرب هو الرسالة
رادو أنبدلة وصحنا علي بس حيدر بدالة
شريعتنا محرم .. والمبدأ عاشور
أذان البيه نصلي .. من راس المنحور
راس الراح .. فوق أرماح .. هوة الصاح .. حيدر ياحيدر
مصدر النقل: موقع القصائد الولائية
1مشاهدة