دمعتي إعله نحرك خليها

دمعتي إعله نحرك خليها…باجر إويه دمك يبجيها
حُسين حُسين…حُسين  حُسين

زينب إجت يمه و بجت شبحت نظرها…محنيه من كثر الحزن رايح صبرها
منهو الذي باجر يظل يحمي خدرها…بعد الحمه يا هو اليجي يجبر  كسرها
راحت إعله خيمة كافلها…باجر الحراير من إلها

لمن نظر ليها القمر مهضومه إخته…مسه الزعل شيفه إنشهر لاح إبيمنته
ليش الحزن يم الخدر خدرج كفلته…قالت خفت من الجمع لمن نظرته
حايره العقيله إبهالغربه …باجر إعله قلب إختك  صعبه

قال إلها عند عينج أنا و أفدي لج إجفوف…باجر وعد عالعلقمي و إعيونج إتشوف
سيف  الذي عد كافلج تركع له السيوف…عباس أنا راعي العلم ما أعرف  الخوف
ساعة الكلايف شوفيني…فدوه لج يساري و يميني

رجعت  عله إحسين و نون و يهل دمعها…قلبي إنهضم طف الحزن إختك  فجعها
زينب  بعد عينك تره يصعب وضعها…قلبه إنكسر دمعه همل لمن  سمعها
باجر  إعله صدري الخياله…تسحق و دموعج  هماله