شاعر: مسلم المانعيرادود: عمار الكناني
سنه عمري تقدّم…و أخاف آخر محرم
قصيرة أيام عمري…لطم خلي أشفي صدري
و أخاف آخر محرم
آنا تربيت المجالس هيه بيتي و منزلي
خوفي هذا آخر محرم كاتبه الله إلي
إشلون أفك بالجفن حزني و أدري حزنانه هلي
و الأجل يحرمني أطبن مجلسك يا بو علي
جبت عمري بخدمتك…و أخاف أترك نعمتك
إذا محفور قبري…لطم خل أشفي صدري
و أخاف آخر محرم
مجلسك خيمه علينه و التحبه ابهالخيم
و اليموت ابقلبه حسره امن المجالس انحرم
سيدي خل يذكروني من يقعدون الخدم
إهنا قعد ويانه مره اهنا بجه و اهنا لطم
أموت اعله المجالس…أنا مجنني عابس
فتاوي اجنون أدري…لطم خل أشفي صدري
و أخاف آخر محرم
أبو فاضل عذر عنده طاح يم المشرعه
و هم يجي ويانه يلطم و الجفوف امقطعه
اشلون ما الطم عليك و أسمع الناعي نعه
آنا لو بالقبر نايم مقتلك هم أسمعه
آيا حسين و مصابه…رقيه اتصيح بابه
أجيب امنين صبري…لطم خل أشفي صدري
و أخاف آخر محرم
ما طفت جمرة مصابك ما برد هذا الصدر
و آنا عمري اللي قضيته جبته الطم و أعتذر
اشلون لو جانه محرم و آنا نايم بالقبر
سيدي اقبلني خادم حته لو ميت أفتخر
لجن لو بالمقابر…بعيد اعله المنابر
أريد ادموعي تجري…لطم خل أشفي صدري
و أخاف آخر محرم
المقابر هسه وحشه و الظلام ايكمّله
ينسي كلمن يموت و بعد ما تحضر هله
و اللي حاضر لك مجالس ما أشك تحضر اله
و البجه دمعه ابمصابك من يموت اتدلله
لأن تحضر مماتي…إخذ عمري و حياتي
أقدم ليش عذري…لطم خل أشفي صدري
و أخاف آخر محرم
مصدر النقل: موقع القصائد الولائية
3مشاهدة