تنزف إقلوب المصابك يا أمين الله بغيابك

تنزف  إقلوب المصابك …يا أمين الله بغيابك
رايح  و  عايف مصيبه …ليلة الوحشه رهيبه …يا أمين الله بغيابك

تدري  يا علي الأيتام …ما عدها قلب  أيوب
بس  عدها يبوها إقلوب … هاي إويه الدموع  إتذوب
و  ليل إغيابك اليرهب …صار إلها سواده  ثوب
هيه  إبظلمة الأحزان …و إنت بالنعش  محجوب
طلعت أيتامك تودعك …يا علي إبجرحك تشيعك
إتسمعك أصوات النحيبه …ليلة الوحشه رهيبه …يا أمين الله بغيابك

إنت  إمعود الأيتام … متفارقها يا  حيدر
من يامنها من الخوف … من ويه اليتم  يسهر
إشلون إبهامة الهمه … سيف أعمه إبحقد يعثر
إشلون إتيتم المحراب …إشلون إتيتم المنبر
لا تنيمها إعله قبرك …اللي تنيمها إعله  صدرك
و جرحك أيسها طبيبه …ليلة الوحشه رهيبه …يا أمين الله  بغيابك

أيام و يمر العيد …عيد أسود يداحي الباب
شتشوف  إبصلاة العيد …دم إبجبهة  المحراب
إهنا يتمها بن ملجم … إهنا راس الوجود  إنصاب
إهنا آخر صلاه صلت … إهنا دم و دمع و  إمصاب
يا علي إهنا فارقتها …يا علي إهنا يتمتها
إهنا بدر وجهك مغيبه …ليلة الوحشه رهيبه …يا أمين الله  بغيابك

يمداوي الجروح إشلون … إنت إتجرح الأيتام
يمساهر لجلها إشلون … عينك عالتراب إتنام
يملبسها ثوب العيد … عيدك إلها شو ما  دام
عايفها  يبو  الأيتام …ليش إبظلمة  الأيام
من يجي و يمسح دمعها …من يلبسها فرحها
إلها ثوبه من يجيبه …ليلة الوحشه رهيبه …يا أمين الله  بغيابك

يا شمس الوجود إشلون … عايف ظلمة النكبه
و  إشلون  النعش ضمك …ووجهك دمك  إيغيبه
ماشي الفاطمه إبحرجك … تمسح شيبه المخضبه
إسنين  إمفارق البضعه … و رايح جرحك  إتطيبه
فاطمة  الكسروا ضلعها …ووجهك إتغسله  إبدمعها
و الجرح تلقى له طيبه …ليلة الوحشه رهيبه …يا أمين الله  بغيابك

ماشي  الفاطمه إبهالليل … تنزف راسك  إمصوب
و ما بين الحسن و حسين …هالليلة غفت زينب
و باجر هم يعيفوها … و برض المحنه تتغرب
إيفارقها الحسن مسموم … و بعد حسين  تتسلب
باجر إبطف المنايه …تلقه إخوتها  الضحايه
و تمشي يا حيدر غريبه …ليلة الوحشه رهيبه …يا أمين الله بغيابك