شاعر: جابر الكاظميرادود: باسم الكربلائي
اليومُ لنا يا أبتاه ….. و غداً عند رسولِ الله
ليلةُ مأسات ….. يا حيدر
تجري العبرات ….. يا حيدر
زينب آنه و هاي اولادك اتريد اتودعك يا كرار
بس هذا اليوم انت ويانه باجر تقصد للمختار
اليوم الدار ابنورك تزهي باجر ظلمه اتصير الدار
وشتنفع دنيانه اخلافك لا طالت ريت الأعمار
بدموع شجونٍ و مصاب ….. نبكيك شهيدَ المحراب
و المخلوقات ….. يا حيدر
تجري العبرات ….. يا حيدر
بسما ظعن الليل ايطوح من بعدك نصبح أيتام
باجر عينك تغفه ابقبرك و اشلون النه اعيون اتنام
دهر الشوم اعلينه امسدد و ايصوبنه ابسبع اسهام
محنه و لوعه و شهقه و دمعه و نوح و أشجان و آلام
اليوم وداعٍ و عناق ….. و غداً عبراتٌ و فراق
عند الآهات ….. يا حيدر
تجري العبرات ….. يا حيدر
كل قطره دم ابشرياني ريت انسفكت قبل ادماك
ما أدري اشلون أقدر أصبر لو شفت اترابك واراك
ابقبرك يا ريت اينزلوني و أتوسد يا بويه اوياك
و لا شوفك غايب عن عيني ولا أجرع غصت فرقاك
قبرك في قلبي محفور ….. و جعلتُ عيوني كافور
و مع الزفرات ….. يا حيدر
تجري العبرات ….. يا حيدر
دم راسك يا بويه اليجري واسيته ابدمعي المسفوح
و اصواب الصابك يا حيدر واسيته ابقلبي المجروح
مو بس روحي اتنوح الفقدك محرابك هم ظل اينوح
كل قطره دم منك سالت تركت آثار اعله اللوح
ينعى فقدك جبرائيل ….. و بكى مقتلكَ الإنجيل
و كذا التورات ….. يا حيدر
تجري العبرات ….. يا حيدر
من بعدك يتفجر دمعي تنشف موجات الإحسان
و عين الحرست دين الباري باجر تغمض بالتربان
كل ذره ابها الكون اتنادي يا كعبة أهل الإيمان
ابهذا العالم ما يتكرر يا حيدرمثلك إنسان
و أنا أبكي و اناديك ….. قذيت عينٌ لا تبكيك
تعلو الأصوات ….. يا حيدر
تجري العبرات ….. يا حيدر
طيفك عايش بين اعيوني لاجن شخصك عني ابعيد
لا ينفع بغيابك صبري و لا دمعات اعيوني اتفيد
بويه و ما تممت اصيامك هذي اخلت دمعي ايزيد
اشلون أفرح و أستبشر بعدك و اشلون أستقبل هالعيد
آهٍ من قوم جهلوك ….. في شهرِ الطاعة قتلوك
عينُ الآيات ….. يا حيدر
تجري العبرات ….. يا حيدر
يا من عشت اوياك اسنيني عطفك جان ايعيش اوياي
و اليوم امصابك أوحى لي آخر ليله ابعمرك هاي
و باجر من تقصد للزهره خبرها ابلوعت دنياي
و إخذ الها نياشين المحنه من قلبي و دمعة عيناي
أبتاه خذ للزهراء ….. من عيني دمع الأرزاء
تلك الصرخات ….. يا حيدر
تجري العبرات ….. يا حيدر
مصدر النقل: موقع القصائد الولائية
3مشاهدة