آني المدینه وفخري ابیت النبوّه ما من مثلهم في بني آدم وحوّى

آني المدینه ویسكنوني املوك واشراف محد حوى امثلهم شرف حلوين لوصاف

جارت عليهم عصبة ما فيهم انصاف وسفه والف وسفه الدهر بيهم اشسوى

ما من مثلهم يا خلق ما من مثلهم ما كوّن الكون الجليل إلا لجلهم

ما ينرحم شنهو السبب حتى طفلهم مني غصب شیخ اولد ينوخذ قوه

وشكثر قاسىٰ امن الغصص جدهم الهادي وبعده البضعه اشكابدت من هالأعادي

هامة وصيه انشقت بسيف المرادي والحسن بالسم غالته ديك العدوّه

والفرقد الثاني زعجني اشلون زعجه بالليل غادرني ورج هالوطن رجه

راج الأرض مكه وطلع ما كمل حجه خیم بوادي كربلا بولاد واخوه

جاني الخبر عنه انذبح حتى فطيمه والنار شبوها وطوت سبعين خیمه

وین التجت متقلي اطفاله وحريمه يا كربلا معلوم ما عندك امروه

وسجادهم جاني يحن لفراق لحباب وامحمد الباقر نحلتينه ابهلمصاب

وامثلهم الصادق ابسمه اتكور وغاب والكاظم ابغداد بسمومه تلوّی

بأرض الغري وكوفان ليه ابدور وشموس وفي الغاضريه كم شهيد وفيك يا طوس

ابسمه الرضا اتلظى وسمه بعنب مدسوس وابنه الجواد أمّ الفضل عكرت جوه

ابغداد بأمر المعتصم والعسكريين ببلاد سامرى ابمنزلهم هلثنين

مدري يبو صالح متى تستقص هالدين من هالأعادي والعد ويقهر عدوه

***