يا بالفضل ناديت ..... هاليوم إجينه

بيا حاله و بيا ضيم ..... من يدري بينه

بالعيله و الايتام يا خويه جيتك ..... بالقبر وسفه و حيف نايم لقيتك

ريتم عدل و اتشوف هالحاله ريتك ..... بيا حاله يا عباس يمك لفينه

للطف يا خويه اليوم لمن وصلنه ..... و بروحي هاجت لفراق أهلنه

ظليت أصيح ابصوت وين الكفلنه ..... هذا النهر جاوين حامي الضعينه

عنك رحت و العين تربي اعله جسمك ..... لو بيدي يا عباس جنت أبكه يمك

يا بالفضل مكتوب همنه وي همك ..... إنته ابدماك اتموت و احنه انسبينه

سهم النبت بالعين صوب دليلي ..... و من ضربة العامود جمرة غليلي

ابدمعة فزع ناديت لا يا كفيلي ..... لو ما غصب ما جان عنك مشينه

يا با الفضل عفناك بالغاضريه ..... و الرايه و الجفين يمك رميه

الدرب اليسر برضاك أطلع سبيه ..... اطلعنه ابيسر و انصيح وليه انولينه

من عقب زودك ذاك يا قمر هاشم ..... صار الشمر حداي ظعن الفواطم

عالعيله و الايتام دلالي حايم ..... و كل ساعه طفله تصيح والينه وينه

بهالحاله يا عباس عنك طلعنه ..... ريتك يخويه اتشوف محنة وضعنه

و احجاية الشمات عقبك سمعنه ..... يا بالفضل و الناس جاروا علينه

جنه ابيسر و اليوم ردينه يمكم ..... نجري الدمع و انصيح تقبل شيمكم

يهل الشيم لاوين تطلع حرمكم ..... ردوها يا الأكرام لرض المدينه