يالماشي لبعيد
المستهل:
يالماشي لبعيد عليلتكم بالديار
عفتوها چن بيت شَعر بي كضت النار
***
عفت بالدار عين مغورگه دموع متعوده عله عينك
كل ماجاسهه بحرورته الشوگ تصرخ بويه وينك
تطلبك دين ابوة بين الاجواد تعال وفي دينك
يبوجف الطويل بوصل الارحام لا تگصر يمينك
يا بلسم الروح تعال وداوي الجروح
العايفها بالدار تريد وياكم تروح
***
تتعب من تجي ساعات الغروب يبني الفرگه مره
عليله وحگها اذا تعتب يمهيوب فراگ الغالي كسره
صوت وجسم من الهجر متعوب البعد محد يكدره
فوگ جفونها دمعاتها تروب وتنام بعين حمره
بعد الأهل موت ثجيل يحز بالارگاب
يا بو المداليل العليله فراشها تراب
***
يمضيج ديار العز يمسؤول رد وخذ الأمانه
خيول الهجر يم ديارنه تجول تعبنه من لمتانه
لا حاضين بيك ولحنه ميتيات سبي غيابك سبانه
يبو علوم الچبيره الترفع الراس فراگك شبيانه
خاف اعتب عليك وزعلك وانت متعوب
حال العليله بغيابك يكسر گلوب
***
عله دارك من يحط الطير احاچيه وگله شلون اهلنه
بلكت مار بيكم واسمع اخبار عن ذيچ المحنه
عساها ابخت طف الشوم يحسين رحتله وطش شملنه
لا مرسال منك جاي وارتاح ولا انته الراجع النه
ما راح احاچيك وجرحك خاف أأذيك
تدري العليله بغيابك بس تهم بيك
***
اذا ماناوي ترجع ودي عباس يجي وحملك يشيله
انه ابقه بديارك ماجي وياه بس اخذو العليله
خاف تموت عندي من بچي الليل عتبكم مالي حيله
شكلگم قصرت وياها لو گول امتاناكم ثجيله
يالماخذ الحيل هجركم سوطه جلّاد
بُعد الاهل نار توجر حدر لفّاد
***
يمزود مرضها بروحتك هاي تعال الفرگه تكتل
غاليتك ييمه تگوم واطيح كل ما شاهدت بل
لا مقتنعه ما ترجع يسردال ولا مقتنعه تقبل
حرت مابين هاي وهاي يحسين ودمعها عليك يهمل
بعد الابو يريد گلب مامره مفجوع
عفت العليله گلبها عليك مشلوع
