سائل واجيت ببابك ...يالمايرد طلابك

أتمسك ويا أعتابك... يالمايرد طلابك

بعيوني... بظنوني... ساكن برموش عيوني

كل منظر... ياشبر ...ساكن برموش عيوني

حد المضايف ينتهي يم جودك ...هلا

لو جان حاتم جا تغطى بزودك... هلا

يالشيمتك رايه وترف بحدودك... هلا

خليني خادم هيبتي بوجودك... هلا

تصحيني ...تمشيني... بس من ملحك غذيني

بيك افخر ...ياشبر... بس من ملحك غذيني

وصفك غزير متعب الحجايه... هلا

آية جمال تشابهك يا آيه... هلا

خليني ويا التقصدك عنايه ...هلا

باكناف بيتك واستظل بعيايه ...هلا

يم جارك ...باكتارك... اقبل خادم سميني

أتنطر... يا شبر... اقبل خادم سميني

ساطه جبينك يا بدر وتلالي... هلا

روح الموالي مرقدك يالوالي ...هلا

شايل ضريحك بالقلب يالغالي... هلا

لولاك لا أول الي ولا تالي... هلا

بودادك ...من زادك ...يالمالكني بإحسانك

جن حيدر... يا شبر ...يالمالكني بإحسانك

على القالوا ابتر طه بيك اتباهى ...هلا

آيات كوثر جيتك معناها ...هلا

شيمة علي عندك وهيبة طه ...هلا

نعم الأمير لشيعتك ترعاها... هلا

معرفوك... ما اعوفك... من أصحابك احسبني

أتحسر... يا شبر... من أصحابك احسبني

حاءك حرب عزة ادخلت ميدانك ...هلا

سينك سلام ووضحت احسانك... هلا

نونك نصر صلحك البين شانك ...هلا

يتناثر لدر الحكم بلسانك ...هلا

ناديتك... تانيتك... هنا يالفضلك غاطيني

يمشكر ... يا شبر... هنا يالفضلك غاطيني