تهانينه تهانينه يبو محمد تهانينه
تهانينه تهانينه...يبو محمد تهانينه
سعيده الدنيه بوجودك...ألف مبروك مولودك
تهانينه تهانينه... يبو محمد تهانينه
سيدي بأحله الليالي بمنتصف شهر الكرامه
كمل إفطوره الموالي و غمرته الفرحه بصيامه
و شاهد اببرج المعالي بدرك ابليلة تمامه
و بفرح صايم لو فطر...ابشوق الصحاري للمطر
ناده ينبراس الفخر ...أهلا ابنور الإمامه
يوالينه يوالينه...هلا بجيتك يوالينه
يمن بحر الكرم جودك...ألف مبروك مولودك
تهانينه تهانينه... يبو محمد تهانينه
بحر جود الحسن أول ثمر من غصن الفضيله
و الخليفه الثاني لأحمد من بعد حامي دخيله
و ثالث الها الأمه قائد و رابع أوصافه الجميله
سبط النبي و ريحانته ... و قلب البتول و مهجته
و شبل الصميده و ضنوته ... يا هو بالعالم مثيله
أمانينه أمانينه... شرف عزنه و أمانينه
يا آية نور معبودك...ألف مبروك مولودك
تهانينه تهانينه... يبو محمد تهانينه
سيدي و آية وجودك نزلت ابشهر العباده
و هاي مو صدفه يغالي لجن عن حكمه و إراده
ربك ايريد العباده إيتمم أسباب السعاده
هالشهر بسمه امسجله ... و قرآنه بيه امنزله
و زاد اعله فضله و كمله ... و جمله ابهاي الولاده
تهنينه تهنينه ... إبعطر تهنينه
نسيم الجنه بورودك...ألف مبروك مولودك
تهانينه تهانينه... يبو محمد تهانينه
سيدي و كل ملك عادل من تمر لحظه هنيه
يفتح أبواب السجون و يشمل ابعفوه الرعيه
اليوم رب الكون لجلك للخلق قدم هديه
دفتر معاصينه إنفتح ... و كل ذنب مكتوب إنمسح
و صار ابفرحتين الفرح... المغفره و ابن الزجيه
معاصينه معاصينه... إنفتح دفتر معاصينه
لجل عينك على مودك...ألف مبروك مولودك
تهانينه تهانينه... يبو محمد تهانينه
سيدي ربك العادل و الحلم منك سجيه
و من تسالم ما تساوم عالقضايه المبدأيه
و إحنه وياك ابعهدنه يا شرف كل البريه
وياك يا نور العلم ... وياك يا بحر الحلم
ابحربك اوياك و بالسلم ... و من المهد حته المنيه
تغذينه تغذينه... إبلبن حبك تغذينه
و عهد منخالف إعهودك...ألف مبروك مولودك
تهانينه تهانينه... يبو محمد تهانينه
سيدي و ظلمتك وادم عن جهل لا عن دراسه
و انت علمك بالخفايه من علم رب القداسه
صالحت رغم المظالم رايد ابهاي السياسه
للدين تحفظ بيضته ... الثورة حسين و نهضته
و بروح الرفع بيه رايته ... صلحك الشيد أساسه
لجل دينه لجل دينه... منهو الضحه لجل دينه
يا هو البذل مجهوك...ألف مبروك مولودك
تهانينه تهانينه... يبو محمد تهانينه
و لجم ذكر حسين قلبي و فزز أحزاني الخفيه
وروحي بجناح المعاتب سافرت للغاضريه
و صاحت ابحرقة إمفارك وين ابن حامي الحميه
آمالي بعدك أيسن ... و إعيوني ما ضاقت وسن
يحسين أحلفك بالحسن ... و بعظم هاي المسيه
تقر عينه تقر عينه... متى الحبك تقر عينه
و يكحل رمشه بحدودك...ألف مبروك مولودك
تهانينه تهانينه... يبو محمد تهانينه
