بارك.. والد العتره شارك .. فرحة الزهره

للمجتبه الأفراح صوت الموالي صاح

عاشق علي ابدرب العشق طال إنتظاره قلب المحب ما يمتلك لحظه قراره

طير السعد يالتنظر جاب البشاره بيت النبي بالمجتبه مضويه داره

غالي.. تضحك إشفافه غالي .. يسحر الشافه

و يتلالى جالمصباح صوت الموالي صاح

يتلالى وجهه و مبسمه ابنور الإمامه حلو الشمايل و العطر عطر الكرامه

مثل البدر من يكتمل ليلة تمامه والينا زاح امن الدهر وحشة ظلامه

نوره .. كالبدر جنه نوره .. ريحة الجنه

عطر الجنان و فاح صوت الموالي صاح

عطر الجنان ابوجنته و يسطع جبينه و اعله خدوده اتوسمت قبلة نبينه

يا محله حين اتبسم ابنظرة ولينه خلاها بدموع الفرح تتلاله عينه

طاهر .. ينظر اوليده زاهر .. بالحسن عيده

هم الدليل إنزاح صوت الموالي صاح

إستر القلب بالمجتبه و حصل مراده و انفتحت ابهذا الشهر باب السعاده

باب الموده الموصله الرب الإراده و منه مثل آل النبي حبهم عباده

والي .. من يواليهم عادي .. من يعاديهم

خل تكتب الألواح صوت الموالي صاح

بلواح تقدير العمل يا روحي كتبي هيهات عن حبهم أزل لا و حق ربي

قلبي سعيد ابمولده و نبضات قلبي كتبت على دار الحسن آيات حبي

آيه .. ابحبهم اتنادي آيه.. ظنوة الهادي

يا بهجة الأرواح صوت الموالي صاح

بهجة نبينه المجتبه و روح الزجيه روحه فضائل طافحه بالمعنويه

جفه كرم عزمه همم نفسه أبيه و أوصافه مرآة العلي حامي الحميه

ماجد.. و الشرف ثوبه قائد.. ابصلحه و احروبه

للنادى بالإصلاح صوت الموالي صاح

جفه كرم و أصل الكرم صارت جفوفه و أرواحنا بشوق الفرح راحت تطوفه

رمضان شهر المغفره و احنه ضيوفه و اليشفع ابيوم الحشر حاشه نعوفه

شافع .. تنقد العاصي شافع .. و انت مخلاصي

يوم الحشر لو لاح صوت الموالي صاح