شموس وزهت للعالم وياهم

فضلهم بان للوادم وياهم

الشرف و الغانمة يشهد وياهم

و تدانو فوق هامات البرية

انقطع من گلبي ذاك البيت و هلبيت

و گلت لابد ترحموني وهلبيت

أعرفنكم أهل عصمه وهلبيت

ولاكم فرض من رب البرية

بفضل آل النبي انشأنه وربنه

و شبحنه النظر بس الهم وربنه

شمسهم بالفخر تسطع وربنه

جعلهم سادت أشراف البرية

وحق المصحف المنزل ولايات

مثلهم ما تجي صفوت ولايات

موالي واعرفت بالحق ولايات

أهل بيت النبي واجب عليّه

محمد للبشر بالحسن وصفه

كيانه من الجواهر أجل وصفه

حمل من والده الكرار وصفه

و بصبره شبه سيد البرية

گبل دور الرضاعة اعزمت واليت

أرفض أهل عزة و هبل واليت

لمام الحسن من المهد واليت

و شهد كل مفصل ابجسمي عليه

عجب من ذروة الآمال هاوين

و لا ندري بحبيب القلب هاوين

من عالم الذر يالحسن هاوين

محبتك يا شبل أزكى البرية

متى العلتي يبو محمد تبرها

وروحي من فضل برك تبرها

تراب الوادم وانته تبرها

يا سر الكنوز الجوهرية

حبك بگلبي ترعرع يا علي وراعني

وراعيت كل اليحبك والمحب راعني

لجن جفتني الليالي و الدهر راعني

يالقالع الباب يالسيفك شطر مرحب

و خليت سبع الحرب مر و شرد مرحب

و بأحد روح الأمين بنصرتك مرحب