بارينه سبحانه .... عالعتره دلانه

قال و علن .... هذا الحسن .... للهادي ريحانه

هالكون بنشأة تكوينه** ظهرت قدسيت بارينه** سجل عاللوح الأسماء

أسماء و لمن تحسبها** خمس أسماء الباري اكتبها** للعالم صارت أضواء

هالأسماء أولهم طاها** أوصافه الخالق زكاها **دونك آيات الإسراء

حيدر للمختار ايتبعه** اسم الثالث اسم البضعه** أم السبطين الزهراء

إسم الحسن رابع .... هالكوكب الساطع

يحي السنن .... هذا الحسن .... للهادي ريحانه

عن اسم الخامس لو تسأل** هذا احسين السر الأمثل** كلها اتردد بسم احسين

هالخمسه الخالق صفاهم** حجة عالعالم خلاهم** كونهم قبل التكوين

لولاهم لا كوكب يسطع** لا شمس اعله الوادم تسطع** و احنه ابحبهم مشغوفين

كل فرحة ميلاد انبارك** نحضر بالمحفل و انشارك **هم الدنيه هم الدين

و الها الحفل جينه .... انقدم أيادينه

للمؤتمن.... هذا الحسن .... للهادي ريحانه

كل هذا العالم يتأمل** و بميلاد السبط الأول** فرحه انتشرت بالأكوان

هالميلاد ابشهر الطاعه** أجمل موعد و أجمل ساعه** بموعد تنزيل القرآن

سبط الهادي ايحير وصفه** من روحه و من قلبه **و جفه يتفايض بحر الإحسان

و الفردوس أضحت مسروره** بميلاد اللي يسطع نوره **ابعرش الخالق و الميزان

القدره الإلهيه .... رسمت معانيه

سر و علن.... هذا الحسن .... للهادي ريحانه

كل هاي الأوصاف العنده** أصبح وارثهن من جده** صورة انطبقت بالمختار

يشهد له الحاضر و البادي** جامع كل أوصاف الهادي** و ايتابع نفس الآثار

موج الإحسان ابجفينه** اتشوفه اتقول الهادي ابعينه** نفس المطلع و الأنوار

يالحبه ايسير وي إدمانه** إي و اللي أنزل قرآنه** ما تدرك نوره الأبصار

و الخالق اختاره .... من مجمل أسراره

سر الحسن.... هذا الحسن .... للهادي ريحانه

من كل مبعوث و كل مرسل** يتحول نوره و يتنقل** بالإرحام و بالإصلاب

هالنور اتوصل للأنزع **من حماي الجار اتفرع **نور السبطين الأنجاب

و بأوصاف السبط الأول **كل شيمة حيدر تتمثل** و الطيب ينجب أطياب

كلمن صد اعليه و شافه** يتذكر حيدر و أوصافه** وارث هيبة داحي الباب

غصن الحسن أثمر .... من حيدر المصدر

جنة عدن.... هذا الحسن .... للهادي ريحانه

بفراح المولد نتفاخر** نزلت حوه و نزلت هاجر** نزلت من الجنة الحور

مريم للزهره اتوافيها** و بهالميلاد اتهنيها** بالجنة المحفل معمور

هاي الليله الفرحه الكبره **حضرنه و احتفن بالزهره **مثل الشمس اتحفها ابدور

كل وحده اتبين حالتها** للزهره اتقدم فرحتها** و العالم أصبح مسرور

هالفرحه تكفيهن .... قدمن تهانينهن

يتأملن .... هذا الحسن .... للهادي ريحانه