يا من ردت رب العرش يقبل صيامك...من واجبك تحضر حفل مولد امامك

تحيي المحافل... فرحة و هلاهل...من واجبك تحضر حفل مولد امامك

هذا الشهر شهر الاجر شهر السعاده ** انفاسك تسبح الك نومك عباده

كل صايم بهذا الشهر حقق مراده ** صومه و صلاته اتفتحت زهرة وداده

و يصادف الخامس عشر يوم الولاده**مولد سليل المصطفى و تاج السياده

فرحتنا نرسمها الك من هالقصيده**للكل اريدك تستمع و تقلي عيده

رغم العوادل ...فرحة و هلاهل...من واجبك تحضر حفل مولد امامك

خسران جفن الما سهر لو شفته غافي **هالليله تسهر للصبح عين القوافي

من تستمع هذا اللحن لا تكلي كافي**اطلب اعاده و للفجر أقره و أوافي

ابحور القصايد للمحب منبعها صافي** من عدها انهل و ارتوي و اشرب عوافي

يحله المدح للمجتبه و بيه اعتصامي**من زغري أقره و بالشعر أمدح إمامي

هاي المناهل ... فرحه و هلاهل...من واجبك تحضر حفل مولد امامك

مانمدح بهذا الشعر غير الاماجيد**بمدح الحسن يحلى النظُم تحلى القصايد

من عندها ناخذ معرفة و ننشد فوايد**عند القوافي من ضمن نهج العقايد

كل بيت بالجنة قصر و الباري شاهد**كلنا نتشارك بالاجر مبدأنا واحد

هاي الزمن تمدح اهل بيت الرسالة **و كل بيت الك بيت بأمر رب الجلالة

و بقلبي شايل... فرحة و هلاهل...من واجبك تحضر حفل مولد امامك

شيعي و موالي و حققت كل امنياتك**تمدح اهل بيت النبي بسيرة حياتك

ادي الخمس ماتمتنع تدفع زكاتك** صوم الصيام تمارسه و تحفظ صلاتك

مادام هذي يالمحب صارت صفاتك**اخذ البشارة و بالحشر ضامن نجاتك

و بمحفل ابن المصطفى تحضر و ابشرك**يوم الحشر راعي الحفل لاشك يحضرك

محفلنا شامل... فرحة و هلاهل...من واجبك تحضر حفل مولد امامك

شيعة و تبعنا المجتبى بعلم و دراية** تابعنا دستور الحسن من البداية

هذا الحسن منبع كرم بيه الكفاية** من مولده الطاهر بزع نور الهداية

هذا ابنه و احنا شيعته بحكم الوصاية** عن فاضل الطينة اخذ معنى الرواية

شيعتنا نفرح بالفرح ويانا تفرح** من نحزن ويانا بحزن مدمعها يشرع

هاليلة حاصل... فرحة و هلاهل...من واجبك تحضر حفل مولد امامك

بحكم الرواية اللي مضت جينا و حضرنا **نثبت حفل المجتبى و بيه ابتشرنا

بلحن القوافي الزاهرة نردد شعرنا** بدافع الحب و الوفى نواصل سهرنا

بحب الرسول و عترته الباري امرنا **حكم الجلالة برحمته يضاعف اجرنا

هاليلة يا محلى السهر و الحب دعانا** نردد اناشيد الوفى و تسمع صدانا

بكل المنازل ...فرحة و هلاهل...من واجبك تحضر حفل مولد امامك

كل العوالم بالفرح باتت مزهرة** و توارت نجوم السما من كل مجرة

تقدم تهاني للنبي و نزلت تبشره** بكل قطعة من هاي الارض فرحة و مسرة

و احنا على هاي الشاكلة للحب نظهره** محفل سليل المصطفى واجب نحضره

من الرسول و حيدرة و قلب الوديعة** و الحمد لله و الشكر اصبحنا شيعة

شيعة و نواصل ...فرحة و هلاهل...من واجبك تحضر حفل مولد امامك