اندُب الزهراء

إندب الزهره يشيعي بانتحاب و خلِّي دمعاتك نَهِلْها امن السحاب

الهادي و الكرّار حل بيهم مُصاب و تنحب العترة ابكدَر مهمومه

دمعِتَك إسبلها غيث و منهمِر الزهره ماتت منهشم منها الصدِر

ابگلب ناحب لليتامه و منكسِر و مهجتك منّ الحزِن مضرومه

راحت و ظلَّت يتاماها ابنحيب ابهالعمُر ما حسِّبوا منهم تغيب

طاحَوا اعلى الجسَد والموقف رهيب يُمّه صاحَوا گعدي و اشهالنومه

انحلِّفِچ يا يمَّه بآيات الكتاب فتحي عينچ گعدي و ردِّي الجواب

ليش نورچ بالعجل من عدنه غاب و اليِتِم داهمنه ناثر شومه

رحتي و اضلوعچ ييمّه امهشِّمه و خبر موتچ نزَل من أفق السمه

يا خلگ هاليوم ماتت فاطمه صيحوا يا زهراء يالمظلومه