حال العقيلة عند الهجوم والسلب

حموا ذاك الخدر حتّى اتصرّعوا فوق الثّرا و بعدهم راحت عزيزات الرّساله اميسّره

بذلوا ارواحٍ عزيزه و انفنوا دون الخيام و يوم ظل الخدر خالي هجمت عْليه اللئام

و انّهب ذاك الخدر و اتيسّرت ذيج لَيتام ذيج مسلوبه و هاي عْلى التراب امعفّره

و زينب اتحن و المدامع فوق وجنتها تسيل اتصيح يَليوث الحريبه عْلَى الخيَم هجمت الخيل

و المصيبه عقب ساعه ويا الغرب قوّه نشيل و جثثكم تبقى طريحه عْلَى التراب مجزّره

مَدري أمشي اويا اليتامى لو أظل ويا لَجساد و لو رحت مَدْري شَبَاري الحرم لو زين لعباد

و لو قعدت ابهالفيافي روسكم عنّي ابعاد ريتني اتقضّت ايّامي و لا شفت هاللي جرى

بالأمس يبرى الظّعينه بو الفضل ضنوة علي قايد النّاقه ابْيمينه و بس يلاحظ محملي

و نور اخيّي حسين ياضي وكل مصيبه تنسلي و هسّا حرمه ابْغير والي ابهالعيال امحيّره

موش بس ابهالسّفر صارت الفجعه بخْوتي اخْسَرت كل عزّي وجلالي وخْسَرت كل عزوتي

و اليزيد الحزن لوعه و بيه تصعب بلوتي شمتت العدوان بيّه و روس أهلي امشهّره