يعبدالله انقطع منك نصيبي

يعبدالله انقطع منك نصيبي …. حرمني الوكت منك يا  حبيبي
صحت يبني …. يعبدالله ***تخيبني ….  يعبدالله

ربيت  ابروحي و امقاطر دمعتي …. و ابليل الربه اترد لي  وحشتي
و  من نار العشق تعلق شمعتي …. يا يمه ايصير تتركني  ابغربتي
و يزود ابفرقتك نوحي و نحيبي
تغربني …. يعبدالله***تخيبني …. يعبدالله

قلت بلكي ابزماني ارتاح ساعه …. قلت حزني اشوكت يطوي شراعه
و  شفته  ايحوم يم مهد الرضاعه …. أثاري القلب موعود ابوداعه
و لتظن يخمد ابفقدك لهيبي
تعذبني …. يعبدالله***تخيبني …. يعبدالله

يعبدالله  ابوجودك  قعد بختي …. و تنحه عن مجان الحزن  وكتي
ما أدري المصيبه من انين اجتي …. يروحي اشكثر برباته  تعبتي
رويتك  يا الولد خالص  حليبي
تذولبني …. يعبدالله***تخيبني ….  يعبدالله

عساني  الكربله يوليدي ما جيت …. عساني ما طلبت الماي يا  ريت
و  جان  ابدمعتي يبني ترويت …. و يسهم و ريت و ابنحري تثنيت
و  قبل اغيابك ايعجل مغيبي
تصوبني …. يعبدالله***تخيبني ….  يعبدالله

رمتني  النايبه  ابسهم المصيبه …. و جرحي ما أظن تحصل له طيبه
و  قلبي ما بعد يخلص نحيبه …. يا يمه الماي قلي امن انين  أجيبه
و  انت اللي جنت ترضع  ابطيبي
تعاتبني …. يعبدالله ***تخيبني …. يعبدالله

ما  ظلت بعد بعيوني دمعه …. ثديي ناشف اشينفع  ترضعه
و  آنه ادري السهم نحرك يقطعه …. و آنه ادري تروح بلايه  رجعه
و يا روحي بعد من عنده  خيبيني
تشيبني …. يعبدالله ***تخيبني ….  يعبدالله