يسمع عاذلي محبوبي علي

يسمع  عاذلي…محبوبي  علي
محبوبي علي …محبوبي علي

من المهد لآخر نفس يا حيدر إوياك
نادينه قائدنه علي رغماً عله  إعداك
معروفه دنيه و آخره كل إحنه  بحماك
غيرك لا ولي…محبوبي علي
محبوبي علي …محبوبي علي

من  الزغر نلهج علي بالصحوه  بالنوم
نقعد  ننادي  يا علي و بيا علي  إنقوم
يوميه  يكبر  هالعشق و اللايم إيلوم
ربوني هلي…محبوبي علي
محبوبي علي …محبوبي علي

أول نفس أول نبض أول  كلامي
أول  اسم أول عشق أول مرامي
لو  ينقطع  نحري يظل حيدر  إمامي
غيرك ما إلي…محبوبي علي
محبوبي علي …محبوبي علي

يبقه حبيبي بس علي وين  اليمانع
ما  عندي  غيره و ما أحب لجل  المطامع
حيدر أبو هاي البشر و إتقلي  رابع
يبقه الأولي…محبوبي علي
محبوبي علي …محبوبي علي

آنه  أفتخر  عندي علي وشعندك  إنته
محد ينفعك بالحشر يالما تبتعه
إنت  القبلت الناصبه و حيدر  رفضته
طبعك  جاهلي…محبوبي   علي
محبوبي علي …محبوبي علي

ما عندي والي و لا حمه غيرك يبو حسين
أول  هوى و طبع القلب ما يعشق  إثنين
عايش أمير إبكل عصر و العاندك وين
هوه كافلي…محبوبي علي
محبوبي علي …محبوبي علي