يبن الحسن دم حسين نامت عين فجاره

يبن الحسن دم حسين نامت عين فجاره
يمته إتجرد الماضي و تنهض تطلب إبثاره

من تضرب الناس أمثال يالمهدي إبصبر  يعقوب
أتعجب و أقول إشلون عافت صبرها المحجوب
و  لا  توصل لعد بلواك يبن الحسن بلوه  أيوب
إبصبرك كل عقل محتار…ما تدري عليك إشصار
تلمك يالمغيب دار
و إعيونك تشوف إشلون خصمك عامره  داره

تظل  طول الدهر محجوب يالغايب شلك نيه
ما  تسمع نواعي حسين و الدين و  نواخيه
إتريد  إثلثطعش  مهيوب يالمهدي و ثلثميه
و  بيهم تنتهض للدين…و إتطالب إبدم  حسين
ما  تدري ينور  العين
جدك قابل إبسبعين جيش الدهر و أشراره

خطب  بيهم و أرخصهم ليلة عاشر  إبعاشور
صاح  إمشوا إبظلام الليل لا يطلع علينه  النور
عيوا  و لنهم إيعيفوه و العدوان بيه  إتدور
قاموا بايعوه إردود…عالموت و منايه  السود
بدلوا غاية المجهود
يالغايب  أبد ما صار مثل حسين و أنصاره

قصد لحسين منهم شاب و هو إبن إحدعش  سنه
لازم مرهفه بيده و يترخص غده  منه
لمن عاينه المظلوم جر إعله الطفل ونه
صاح  إسدر ينور العين …أبوك إنجتل دوني  الحين
على أمك أجمع  إمصابين
يبني  خاف من تحمل إمصاب الولد و  أمراره

لمن  سمع حجيه صاح و إدموعه عله الخدين
أمي لبستني السيف إتقلي إنذبح دون  حسين
إشلون أسدر بعد ليها و أشوفنك بلايه  معين
رد  يبجي لعند أمه …و يعاين لبو  اليمه