يا مناراً للعباد

يا مناراً للعباد

يا  تاسع أنوار العلم و  الحكمة
لمصيبتك هلت ادموع العصمة
و هوى ركنُ الرشاد

عل  الأمة هذا اليوم أصعب كل  يوم
روح القُدس بالعالم العلوي  ايحوم
و لهيبٌ في الفؤاد

نار  بضمايرنه اعلى فقدك  تسعر
بمطلع  شبابك جبدتك  تتوذر
وقفَ  الكونُ  حداد

بالقلب  يا مسموم تسعر  جمره
جني أشاهد اجت ليك الزهره
و ارتدت ثوبَ  السواد

و الحسن بالمدمع حضر يم جسمك
محني الظهر رايد الصدره يضمك
غابَ بدرُ الإعتقاد

يبن الطهر و الأجل لمن  وافاك
من  جوف نحره ارتفع صوته و  ناداك
و الأسى نالَ  المُراد

كل  الأجداد اتعنت و حضرت  ليك
يبن  الرضا و هالموقف ايعز  اعليك
فارقت  عيني  الرُقاد

يا محمدَ الجواد

الباري  اجعلك للناس خير و  رحمة
و  بفقدك اتهدم كيان الأمة
يا محمدَ الجواد

هزت  الكون امصيبتك يا  مسموم
و عين النبي فاضت مدامعها  ادموم
يا محمدَ الجواد

نرفع  تعازي القلب جدك  حيدر
لمصيبتك  حتى الصخر  يتفطر
يا محمدَ الجواد

و حتى الصبر هاليوم نافذ  صبره
ناشدت قالت دفن ابنها  اتحضره
يا محمدَ الجواد

ريتك  تصد و اتشوف حالة  عمك
خده اعلى خدك ينتحب و يشمك
يا محمدَ الجواد

جدك احسين بليا راس  اتعناك
منهو الذي عل الأرض وحدك خلاك
يا محمدَ الجواد

اتريد بدمعها اتغسلك و اتواريك
و  العالم بدمع المصيبة  يناديك
يا محمدَ الجواد