ليلة مصايب و احزان

ليلة  مصايب  و احزان….. هاي  المسية
و انهدم ركن الايمان ….. هاي المسية
قلب الجواد اتقطع ….. و الشرع له اتصدع
هاي    المسية

يم جسمك أملاك العرش  متجمعة
بعين المصيبة تجري دمع بدمعة
نزلت  النعشك هالمسية اتشيعه
و  صوت المصيبة بالونين  انسمعه
دمع المحب….. سال هاي المسيه
من جور الانذال ….. هاي  المسيه
امصابك فجع انس و جان….. و يبجي عليك القرآن
هاي    المسية

هالليلة  مفجوعة السور و  الايات
و  ام الكتاب اترلت  بالدمعات
و  صوت الزبور ايعزي قلب  التورات
و الصحف و الانجيل تنعه  بحسرات
و الكعبة صاحت ….. هاي المسيه
تصرخ و ناحت….. هاي المسيه
و  زمزم  يصب الدمعة….. و صوت الموالي  انسمعه
هاي    المسية

جبد الشريعة بهالمصاب انكَطع
و  قلب الهداية بالسموم اتوزع
و  بيا  سبب برج العقيدة اتصدع
بوجه الظلم انت الصحت ما  اخضع
يبن الرضا شوف….. هاي المسية
قلبي المشغوف ….. هاي المسيه
يذرف دمع و ينادي….. يبن الرسول  الهادي
هاي    المسية

هالدنية امست مظلمة و  مفجوعة
و انشرت رايات الحزن و  اللوعه
و ركن المعالي اتيمت و افروعه
جن و انس صرخاتها  مسموعة
اعلى  السطح جسمك….. هاي  المسية
ظل خالد اسمك….. هاي المسيه
و لجلك دموع العتره ….. تجري العزيز الزهره
هاي    المسية

و جدك حسين بلا دفن عل الغبرة
تغسيلة أصبح يا سيدي من دم  نحره
و  خيل العده سحقت اضلوعه و صدره
و لا واحد يمه بمصابه ايحضره
بالعطش وافيت….. هاي المسيه
جدك و ناديت….. هاي  المسيه
مثلك قضيت الغربة….. يا جدي يومك  صعبه
هاي    المسية