ياللي تسألني و تناشد أصلك امنين

ياللي تسألني و تناشد أصلك امنين…و اعتقادك هذا من يا مله يا دين
آنا ديني و مذهبي بس حب الحسين…قبلتي ابطف كربله بين الحرمين
أسجد اعله اتراب أبو اليمه و دعائي

سيدي و أُمنيه عندي بالمنيه…من أموتن أندفن بالغاضريه
اهناك يا منكر بعد يتدنه ليه…و ليلة الجمعه تُمر بيه الزجيه
حته و آنا بالقبر تسمع ندائي

ربي كل حاجاتي لا تقضيها لا باس…إلا وحده و أندعيك بأشرف الناس
بكربله يا ريت ألفظ آخر أنفاس…روحي تطلع و إيدي بشباك عباس
بآخر أنفاسي أصيح و كل رجائي

لو يخلون الشمس ما بين إيديه…كل كنوز الأرض و السبعة العليه
ما أبدلها و حق هاي المسيه…ابذرة من اتراب تل الزينبيه
يكفي إني الكربله صار انتمائي