يابن أمي عالتربان عفتك رميه

يابن أمي عالتربان عفتك رميه…. عيني العمه ولاشوف ذيچ المسيه
يا  شهيد الدين……. يابن الزچيه يامظلوم يا  عطشان

ياخويه خليناك عالغبره عاري…….  بالغاضريه
مغسل  بفيض  دماك والچفن  ذاري…….بالغاضريه
روحي بگت وياك والجدم  ساري……بالغاضريه
أمشي ودير العين للغاضريه…… ياضوه  عيوني
ياشهيد الدين…. يابن الزچيه يامظلوم يا  عطشان

أدري بسهم مسموم چبدك تگطع….. وانطر دليلي
وصوابه مگبل صاب والمگفه مطلع……وانطر دليلي
بذاك السهم يحسين گلبي تگطع… وانطر دليلي
سمه بضمير حشاي ناره سريه….. ياضوه  عيوني
ياشهيد الدين …… يابن الزچيه يامظلوم يا عطشان

يابن أمي أدري الخيل هشمت صدرك….. وإنهدم حيلي
وبيدي  على  التربان وسدت نحرك….. وإنهدم  حيلي
يحسين أنه بممشاي حيرني أمرك…. وانهدم حيلي
لا_جن فراگك صار غصبن عليّه…. يا ضوه عيوني
ياشهيد  الدين…… يابن الزجيه يا مظلوم ياعطشان

غصبا  عليّه يحسين عالغبره عفتك….. وانگطع  بينه
والحجر لو ماچان يفضخ جبهتك….. وانگطع  بينه
ماچانت من السوط تتلوع إختك….. وانگطع  بينه
نوب  انطي متني ونوب اشگف بديه…… ياضوه  عيوني
ياشهيد  الدين  ……يابن الزچيه يامظلوم ياعطشان

بحالة غصب يحسين عنك مشينه…….. ونصفچ بدينه
يبن  أمي منهوبين ومگيدينه….. ونصفچ  بدينه
تجدد عهد وياك رادت سكينه….. ونصفچ بدينه
مانعها ضرب السوط من آل أميه….. ياضوه  عيوني
ياشهيد الدين…. يابن الزچيه يامظلوم يا  عطشان

والماعليها العين يغمض جفنها….. والله شمصيبه
والنايبات بنار روحي سلنها…… والله  شمصيبه
يبن  أمي طبة الشام ما اشد منها…… والله  شمصيبه
وافتني گبل الشام ريت المنيه….. ياضوه عيوني
ياشهيد  الدين…….يابن  الزچيه يا مظلوم يا  عطشان