و الله لو بالسيف قطعوا راسي

و   الله   لو  بالسيف  قطعوا  راسي…تبقه  كلمة  يا  علي   بأنفاسي

لا        فتى        إلا        علي…لا       ولي       إلا        علي

و  الله  لو  تركوني  ولدي  و  كل هلي …و الله لو أتقطع إبحب  الولي
يبقه  كل  جسمي  ينادي  يا  علي…غير  حيدر  ما  ملك  إحساسي

لو أظل وحدي و تعاديني البشر… كلها ضدي إتصير ما أحس بالخطر
هم  أنادي  يا  علي  فدوه  النحر…إنت روحي و هيبتي و كل  ناسي

حب  علي  نعمه إنزلت من السمه …مو شريف الما يحب حامي  الحمه
هاي   جلمة   شيعي   كاتبها   إبدمه  …من  محبتك  يرتفع   نوماسي

آني  مو  طبعي  مُرائي  و  لا  جبان  …آنا  ثوره  قائمه في كل  زمان
منهجي  معروف  و  الدنيه  إمتحان  …و  آنا  حب المرتضه  مقياسي

اليحبك  يا  علي  يوفي  الوعود…  إي  و  حقك شيعتك كلها  جنود
من  قمر  هاشم  خذت  درس  الزنود…هذا طبعي حيدري و  عباسي

إحنه  من  هاي  البشر  موقف  نريد  …لو يوالي حسين لو ينصر  يزيد
و  إحنه  ما  ننذل  أبد  مثل  العبيد…رافضي  و  للثار  لا  ما  ناسي