نحرك مذبوح

نحرك مذبوح… دمك مسفوح.. ثارك ميروح..ياثار  الله
بين  الدمع والنار .. دمك ترك آثا..ياثار الله نهتف.. ياثار  الله

اتمنى لونحري انذبح** ولا دمك الطاهر سفح**دمك اعز من دمي
من  المهد قلبي نجرح**دمعي على مصابك نضح**رضعت الحزن من امي
وجه  الحزن دربه نفتح**ومالحظه مر يميالفرح**من صغري عاشق  همي
جسمك يبو اليمه نطرح** وميدان للعسكر صبح**ياريت داسوا  جسمي
جسمك  داسوه .. صدرك هشموه.. راسك قطعوه..والدم يسيل
وبجبهه  الاشبار.. دمك ترك آثار ..ياثار الله نهتف.. ياثار الله

يبن الطهر اقسم قسم** والذي ساد الامم ** اقصد محمد جدك
اتمنى لوذاك السهم** يرميني وبجبدي الالم** من قبل رميه جبدك
اتمنى لوصدري نهشم** من الجسم يصبح خذم** اوقع صريع بسدك
ياريت  عمري لاسلم** واتمنى يلفيني العدم** وقلبك انام  بلحدك
دمك يحسين.. ودموع العين ..صارن نهرين..والموج اهموم
وبكل جفن مدرار .. دمك ترك آثار..ياثار الله نهتف.. ياثار  الله

هالعسكر عليك جتمع** وبجفنك الدامي نطبع**ذبح اخوتك  واصحابك
جسمك  يبو الاكبروقع** وبجبهه اللوح نصرع**دم الوريد خضابك
نحرك ياثار الله نقطع** فوق الرمح راسك ركع** وصار الرمح محرابك
حزنك وسط قلبي نزرع**صرت احصد هموم وفزع** مايشفى جرح مصابك
انحب  ضليت .. بسمك ناديت..قبلك ياريت..يلفيني  الموت
وبكل متر محتار.. دمك ترك اثار..ياثار الله نهتف.. ياثار الله

من كل مهبمن كل كتر.** حاطنك سيوفالكفر** واجد طحت  بالمصرع
من  طحت  من ظهر المهر** طاحت عواميد الصبر** وركن الوجود تصدع
وتنفجر  بركان العمر** لاهو دمع لاهو جمر** وضيم ونوايح  ينبع
لمصيبتك يبن الطهر**فوضنا لله الامر**وبيا صبر نتورع
يوم  اهوال  ..لوفوق اجبال ..لاشك تنزال..والقاع  دموم
وبوجهك  الاقمار..  دمك ترك اثار ..ياثار الله نهتف.. ياثار  الله

من  خلص وقت المعترك** جسمك على الغبره نترك** يفجعنا منظر  جسمك
حد  السيوف  موذرك** حر الهجير مغيرك** والعيله نفجعت  يمك
وحده  تشاهد  منظرك** تشوفالتراب معفرك** حاير منين تشمك
وحده تجبر خاطرك** وحده تقبل منحرك** وبجفها تمسح دمك
وحده  ناديت..ليش  موذريك.. ليش مخليك..من غير اجفان
كل  دمعه  بالانظار.. دمك ترك آثار..ياثار الله نهتف.. ياثار  الله

اي والرفع ارض وسما **جن عيني شافت فاطمة**يمك تنوح وتنحب
تشوف  الظلوع مهشمه** تشوف الجسم ينزف دما** تشوف الويد  مخضب
وقفت  لجن متألمه** جيمك تريد تكلمه** بوليدي ليش مسلب
واطفالك المتيتمه** ليش تركتها هايمه** نار المخيم تلهب
عفت الصيوان .. يلهب نيران.. عندك رضعان ..سحقتها  الخيل
يوليدي  وبكل دار .. دمك ترك آثار..ياثارالله نهتف.. ياثار  الله

دمك يمحزوز النحر**يجري ويضل طول الدهر** مايتنقطع هذا الدم
نعادت  الك نفس الصور**لوماجمر البيت استعر** مايحترق مخيم
لوماظلع  مني انكسر ** ماجان صدرك بالاثر** بحافر الخيل  تهشم
انه امك وقلبي نفطر** الب الك ثوب الكدر** كل بقعه انصب  مأتم
بدمعت  عيناي..اذكر بلواي.. والشيعه وياي..تنحب  وتنوح
وتنادي  ياللثار.. دمك ترك آثار..ياثار الله نهتف.. ياثار  الله