شاعر: جابر الكاظميرادود: باسم الكربلائي
ناعي الموت صاح و نعه
راح ابن عم النبي و الأجل حل ميعاده
اليوم انفگد عقد الوله و اتيتموا اولاده
زينب هاي متصدعه
من بعد جدها المصطفه من بعد أمها الزهره
لاجن فقد حامي الحمه بالقلب تارك جمره
اتصيح بروح متلوعه
امن الدار طلعت فازعه اتفت الصخر ممشاها
و احسين اخوها لو بجت يمسح دمع عيناها
صاحت وين يالمسرعه
ريض يشيال النعش گبل الدفن تانيني
و انجانك حافر لحد وين اللحد دليني
جفن العين صب مدمعه
من گبل عمر المرتضه ياريت يخلص عمري
يا دار ابويه الموحشه و يا دمع عيني اليجري
راح الراح شيرجعه
بمصيبة أمي هالدهر فت مهجتي و ألمني
من بعد أمي فاطمة رايد بعد يهضمني
هذا الصوت من يسمعه
ناديت بويه يا علي جمرة مصابك تلهب
هالحكمه يا بويه اقتضت من الزغر أتعذب
روحي اعليك متروعه
الله من هالفاجعه
خلف النعش ناعي الحزن بالحزن صاح و ناده
و ابتدت نكبات الدهر من لحظة استشهاده
الله من هالفاجعه
ما جانت اتحس بيتم و لا تدري شنهي العبره
اتفكر بوالدها علي الليله ينام ابگبره
الله من هالفاجعه
تمشي و تصد اعله النعش و الحسن يمشي اوياها
و الشالوا اجنازة علي محد وگف تاناها
الله من هالفاجعه
لا تحفر اتراب الگبر گبره حفرته بعيني
نزلني يم جسم الأبو بنفس الگبر خليني
الله من هالفاجعه
من بعده شيفيد العمر و اتيتمت من زغري
اشلون أرجع الداره و أطب ياريت أطب الگبري
الله من هالفاجعه
دهر الغدر بنت النبي اشلون أنتظر يرحمني
فاجأني بمصاب الأبو و من الزغر يتمني
الله من هالفاجعه
جنت بحماك امدللة صرت اليتيمه زينب
لو أدري ترجع بالنحب ليلي و نهاري أنحب
الله من هالفاجعه
مصدر النقل: موقع القصائد الولائية
1مشاهدة