نار بدليلي تسعر

نار  بدليلي تسعر … ماتنطفي  يالأكبر
و  النارشيطفيها … تحرق گلب راعيها …ماتنطفي  يالأكبر

نام برغد و تهنه يالحققت آمالي … ياثمر گلبي و  عزمه
هيج الولد يردونه مايعز دمه الغالي … للدين يصخى بدمه
و ارفعت بالعز راسي ادريك نعم الوالي … و لگلبي تفرج  همه
تدري بدليلي اشصابه … من الفراگ  صوابه
و لمهجتي يتاليها … و النار شيطفيها…ماتنطفي  يالأكبر

يومك جرح دلالي و ماشفت بعدك راحه … و منين أجيب  الراحه
و مدوهنة خلاني و بحربته الجرّاحه … زيدت گلبي جراحه
و عيوني تربي و متشوف گلبي انطفه مصباحه … يالشوفتك  مصباحه
نيرانك التجويني … و فراگك الماذيني
و  الروح  شيسليها … و النار شيطفيها…ماتنطفي يالأكبر

يبني تعبت بأيامك و اتلفت راحة ليلي … لأجلك يا راحة  ليلي
و المهد قلب أمك جان وگتي رهنته و حيلي … يا عزم همتي و  حيلي
و من طالعك صفحة نور تنعكس و تضوّي لي … بالعاطفة تضوي  لي
سهم  الدهر خيّبني … من صوَّبك  صوَّبني
و الجبدتي ماذيها … و النار شيطفيها …ماتنطفي يالأكبر

يالمرتعك دلالي فرقاك زيَّد نوحي … و مساهرات عيوني
كَتَّت عليك دموعي و شلون شاغت روحي … لأجلت يا صدگ ظنوني
ضليت أداوي جروحي يا بسمتي بجروحي … و بضيعتك  ضيعوني
صابت دليلي الصدمه … و يَبِّست دم بجسمه
و جروحي شيداويها … و النار شيطفيها …ماتنطفي  يالأكبر

ردتك  ذخر ياوليدي للعايزة ذاخرتك … و ارسمت صورة  حبي
لوصحت  يبني  النخواي بالعزم تشفي بهمتك … عونج ياشوفة  دربي
صابت  دليلي الأيام و بكربله ضيعته … و انطفت شمعة گلبي
أگضي العمر بالحسره … و دمع العيون اليجره
فرگاك  السابيها  … و النار شيطفيها…ماتنطفي  يالأكبر