شاعر: السيد سعيد الصافي الرميثيرادود: عباس الكوفي
من نذكر مصاب الشافته العتره
يا جرح اليطيب و يا أمل يبره
مرت جم مصيبه ابعترة المختار
ما يبره ألمها اشما تمر أدوار
يوم الدفعوا اعله الزهره باب الدار
و اتصوب ضلعها ابضربة المسمار
و انسن الظلم من ظلموا الزهره
و اتفجر دمعنه من مصاب الباب
و انصبت علينه امصاب فوق امصاب
ساجد وي صلاة الفجر داحي الباب
طروا هامته و اتيتم المحراب
و اظلمت الدنيه من طفوا بدره
و اغتر بإبن أبو سفيان و ابحقده
من بعد الصلح خان و نقض عهده
و دس سم الخيانه ابواسطة جعده
و لن الحسن يقذف بالطشت جبده
و احسين اعله بو محمد جذب حسره
و من ظل بالطفوف ابلا معين احسين
بالحومه وحيد و حاطته الصوبين
عين اعله الشريعه و للمخيم عين
جسم سهم المثلث جبدته نصين
و من دارت الخيل و رضضت صدره
و ننشد يا مصيبه اليوم جمعتنه
و ما بين اللطم و النوح خلتنه
نلطم عله الصادق نهل دمعتنه
انواسي المهدي الموعود غايتنه
و ابكل قلب نار الحزن متوجره
ون و انحب يقلبي واجب الونه
عله الصابوه بالسم و بكبر سنه
و البيه يعتقد و القبره يتعنه
بالمحشر يطب مسرور بالجنه
و نتمنه نزوره و نبجي يم قبره
مصدر النقل: موقع القصائد الولائية
1مشاهدة