قالَ النبيُ المرسلُ فينا

قال النبيُ المرسلُ فينا و الكلُ  يشهد
أولنا محمد أوسطنا محمد… آخرنا محمد…بل كلنا محمد

إشكثر صرح رسول الله حين الخالقه  إختاره
و  قال إحنه شخص واحد و كلنه إنجسد أدواره
خزان العلم إحنه و فضلنه شاعت  أخباره
و مهبط للوحي و رحمه و بينه إنجمعت  أسراره
التينُ و الزيتونُ و ياسين و القَدرُ  نحنُ

قال إحنه سفينة نوح الركب بيها نجه من  الشر
التخلف عنها ما يربح يغرق باجر و  يخسر
نعم سفن النجاة إحنه كلنه ابساحة  المحشر
و سفينة جدي العطشان أسرع يا خلق و أكبر
مصباحُ  هديٍ نحنُ سنبقى في كلِ حينِ

منو  اليوصل  مراتبنه و مثلنه شرفه  ربه
مثل والدنه ما موجود إنولد بس هو  بالكعبه
على  كل البشر والي من الذر حايز  الرتبه
و  الله بالغدير إردود يأكد فضله و  ينصبه
عن  أصلنا سل ليسَ تُلاقي كالأمُ فاطم

إحنه بآية القربه فرض الله  مودتنه
جعلها  للنبي أجره عجيبه الدنيه  نكرتنه
و حق كل آيه بالقرآن إربحت دوم اللي  تبعتنه
و خسرة آخره و دنيه الما تبعت ولايتنه
رغماً  على  أنفِ الناصبينا فازَ  الموالي

إشلون  إبكل صلافه الناس تجور إعلينه ما  تعدل
و  إلنه تعتني بأحقاد تسم و تسبي و  تجتل
إنشدوا  فاطمة  الزهره ابقلبها جم جرح  تحمل
إنشدوا دمعة الزهره عليمن كل وكت  تهمل
في  كلِ أرضٍ تبكي صريعاً و القلبُ  مُكمد

إلنه إويه الأعادي ثار و مطلب لازم  إنعرضه
نحر  حسين أبو اليمه و صدره الفرحوا  إبرضه
لمن يظهر المهدي و يملي بالعدل أرضه
و يربح عاشق الكرار و يخسر كلمن  إيبغضه
و الظلمُ يهوي تحتَ الترابِ و الحقُ يصعد