من خلد هاي الفكره

من  خلد هاي  الفكره
هم عندك رد  اعلينه
جاوبنه عن  إيمان

هالفكره ادرسها و تعمق  بيها
ما  بيها غش معروفه من  راعيها
ما بيها غير  الرحمه
انته  اشقلت  جاوبنه

نتسلسل  بهذا  الحديث و  نسأل
هالفكره عند من جانت من الأول
بها الفكره جان الهادي
ادرسها  من  أولها

هيَ  الرسالة الخالده اللي  تنصع
هيَ  الذي  إعمل تقول و ازرع
هيَ اتقول احجي  الواقع
هاي  الفكره و  عاينها

و  ابنفس هالأسلوب ناهج  حيدر
ايخاطب المملوك و ايقله اتحرر
و لهل الأوطان  اينادي
هالفكره   وضحناها

جاوبنه عن  إيمان
لو  إنته امأمن بينه

مكشوفه  ما تلقه غبار  اعليها
باطن و ظاهر فكرته  امصفيها
يعرفها كل  إنسان
مو  النه يو  صاحبنه

بس الحجي بلا معنه لا يتأول
آنه  و انته انقول عند  المرسل
و حيدر هم مثله  جان
هم يحتاج  اتأولها

هي  الذي للبشر رادت  تجمع
هيَ التقول العقل خل  يتوسع
اتجنب عن البهتان
تلزمها  تبعد  عنها

كل قيد قال اعله الظلم  يتكسر
ايخاطب  الجيل ايقله قوم اتطور
حافظوا  اعله الأوطان
عندك شك  ابمعناها