شاعر: كاظم منظور الكربلائيرادود: حمزة الصغير
ماني عليلتكم ياهلنه والولم جار….. وبگلبي النار
ظلت تشب وتنطفي…. من دمعة عيوني
ياهلي شان العليله بالموده يباشروها
وعلى فراش الولم بجفوف المحنه يجلبوها
ماشفت گبلي عليله وبالفراگ يلوعوها
بالولم روحي تمرمرت….. يهلي وچبدتي تگطعت
ياطفله مثلي تلوعت…. بالولم وفراگ أبوها
يهلي العليله يحافظوها من الأخطار….. وبگلبي النار
وانه بمصيبة كربلا….. يهلي تداووني
آه من الولم عفني ياهلي وروحي مردها
ومن تصد عين العليله يفرح چبدها
يا عليله مثل حالي ظلت تعالج وحدها
مفجوعه بفراگ الأهل….. مصيوبه بسهام الأجل
من يسبل إيدي على الأجل….. ياهلي ورجلي يمدها
يهلي تراني على المنايه إنزلت خطار…. وبگلبي النار
چني فگدتكم ياهلي….. وإنتم تفگدوني
ياهلي للمرض حاله يهون ويعالج طبيبه
ويصعب التسعر جمرنه بگلب اليفارج حبيبه
فوگ نار المرض گلبي مايحمل نار المصيبه
نارين شعلت چبدتي ….. بفراكم وبعلتي
أحا ياجمرة غربتي….. لاتخلوني غريبه
عيوني ظلت عالأجل والأهل تندار….. وبگلبي النار
ما ادري يلفيني الأجل…. لو أهلي يلفوني
ياهلي للمرض شده وگلب طفلتكم حملها
وصابها سهم الموادع وسهم المفارگ چتلها
يا عليله إبتلت مثلي بالولم ومصاب أهلها
أيوب مو مثلي إبتله …. بالمرض وبذبحة هله
ودموم أخوتي بكربلا … گامت عيوني تهلها
دمعة عيوني فجرت والدهر فجار….. وبگلبي النار
واتمنى نبلة حرمله….. بيها يذبحوني
مصدر النقل: موقع القصائد الولائية
1مشاهدة