أبيات أبوذيّة

إتقله  ما  أقدر أطب بيتك و  أسكنه
لأن  مو  جرح  حته  أقعد و  سكنه
بيه   صوت  الرقيه  إختي  و   سكنه
حسبالي    إجن    كل   ساعه    ليه

شجاه    الحادي    ضعنه   ما   يونه
و    أنا    الون    الونيني   ما    يونه
أهلنه    إشصار    بيهم    ما    يونه
أريد   أنشد   عله   أهلي    ابهالمسيه

بويه الدهر خلاني بس أنحب و ألوجن
شعاتب   بعد   ساعاته   و    ألوجن
ما   ميز   الليل   أظلم  و  لو   جن
لأن    حته    النهار    أظلم    عليه

وقف   حادي  الضعن  ناده  شفتهم
و    كلهم   تلهج   بإسمج    شفتهم
همي  إشقد  شفت ما ظن شفت  هم
مثل      همج     عليهم      هالمسيه

عليله    و    كل   مصايبكم    لوّني
أونن    و    الصخر    ينفت    لوّني
تمنيت    و    صحت    بويه     لوني
ميته   و   لا   عشت   هاي   الرزيه