لبيك يا حسين

حسين اليقل حسين… لبيك يا حسين
لازم أثبت الدين… لبيك يا  حسين

هيهات  منه الذله صاح و هز الأكوان
لم أهل بيته و الصحابه و كل الأخوان
قال  اليريد  إيروح لاجن مني  خجلان
هذا ظلام الليل فرصه عنده  الآن
زينب  تنادي إبصوت… لبيك يا حسين
دوس المنيه و فوت… لبيك يا حسين

طول  يا  ليل النايبه يا ليته يمتد
منك يخويه سيدي أتزود  أزود
أدري  بصباحه  تنذبح الله و  لحد
أمشي  أسيره  و بالحبل تاليها  أنشد
للموت  أظل وياك… لبيك يا  حسين
أذلن يزيد هناك … لبيك يا  حسين

أمشي  إعله دربك سيدي إيصير  التريده
خل تقضي قومي و كل هلي و تبقه العقيده
حسبنه  الباري نحمده و نكثر حميده
بالولايه  التهتدي بيها  عبيده
قال القمر عباس… لبيك يا  حسين
يا  تاجي  فوق الراس… لبيك يا  حسين

و  لولاك سبحانه العلي لا ما خلقني
حبك يخويه امن العدم هو  الوجدني
تفداك جفيني بعد و إعيوني دّني
باجر بأول معركه للموت ذبني
الأكبر  و  جاسم صاح … لبيك يا حسين
نفدي  لك  الأرواح … لبيك يا  حسين

كل الهواشم إنتخت وي كل  الأنصار
خدامك إحنه يا فخرنه و زود الأحرار
إنت الصلاة و صومنه يا ذخر الأطهار
آمر  علينه بالحرب و إنظر يمغوار
ابمهده  الرضيع  و قال … لبيك يا  حسين
و  إتناخت الأطفال… لبيك يا حسين

حته الهوه ويه الشجرو الطير لبّاك
عدنه الحديث القدسي يكشف بعض  معناك
لولاك يحسين السبط يحسين  لولاك
ما  خلق ربنه لا سمه لا دارت أفلاك
بالدر  هتفنه  شيعه … لبيك يا حسين
وياك  علنه  البيعه … لبيك يا  حسين

يحسين حبك هالعده تهمونه تكفير
و  إحنه مشينه ابهالدرب ميردنه تفجير
خل  تسمع  أرباب العقل و إتريد  تطوير
بحسين تلقه المعجزه الما صارت إتصير
حته التراب إيصيح… لبيك يا  حسين
الأفلاك  تخر و إتطيح… لبيك يا  حسين