شاعر: واثق العيساويرادود: قحطان البديري
كلمه امن القلب ردد لساني …مولاي الرضا إسمك ضماني
باجر لمن أحتار …بين الجنة و النار
مولاي الرضا إسمك ضماني
ابسلسلة الذهب إنت الصرت بالعزة ثامن
أطير ابفرحتي يم حضرتك و أعبر مواطن
كل اللي يزورك سيدي من خوفه آمن
يالقلت بحديثك لليجيني و الله ضامن
باجر بالحشر آنا و ذنوبي …عطر منك ايشمونه اعله ثوبي
يشمونه و يعرفون …عله اجبيني يكتبون
مولاي الرضا اسمك ضماني
جاب ابمولدك وحي الفرح للدنيه آيات
طاف ابحضرتك يكتب إلك بجناحه كلمات
لقه بإسمك تنادي و ترتفع يا سيدي أصوات
يا من مرقدك مقصد صبح في كل الأوقات
أزور و أدخل ابلهفه الضريحك …و إدموعي الجرت حسره تصيحك
أحجي و تسمع الصوت …أريدك من يجي الموت
مولاي الرضا إسمك ضماني
يسلطان المجد كلمن دخل يمك يشاهد
عرش من معرفه و هيبه و فخر صفوه و أماجد
قصرك و الملك ما غرتك بالدنيه زاهد
إلك عرش الإمامه و الكرم و أشرف مقاصد
يالرافض تقاليد الزعامه …رافع رايتك بإسم الإمامه
رايه و إسمك أقراه …و رايد باجر ألاه
مولاي الرضا إسمك ضماني
أشوف اللي يقصدك بالشدد بدموعه محتار
نار البلقلب لو يندبك هم تنطفي النار
إلي يمك طلب يا سيدي و ما غيره أختار
أريد خادم أقضي عمر خادم للصفوه
مولاي الرضا إسمك ضماني
مصدر النقل: موقع القصائد الولائية
3مشاهدة