كربلائيٌ أنا

كربلائيٌ  أنا  – كربلائيٌ  أنا
بل حسينيٌ أنا – بل حسينيٌ أنا
كل صوت من دمي- لحسين ينتمي

بين  الاصلاب النزيهة توجهت  للنشأتين
عالم لعالم نقلني وأفتحت للدنيا عين
بكل محطه من حياتي أنسأل موطنك وين
كربلائي والهويه موقعه بدم  الحسين
بات سرٌينطوي – بات سرٌ  ينطوي
للولاء  العلوي-  للولاء  العلوي
وكياني ودمي – لحسين ينتمي

حب أبو الاكبر جذبني بغير حبه  مارضيت
هوروحي وهو ذاتي وهو دربي البيه  مشيت
لايساري ولايميني بس لابو اليمه انتميت
هو ينبوع الهدايه من عذب مايه  ارتويت
لاتقل عن سره – لاتقل عن سره
قطره في بحره – قطره في بحره
كل  سرٍ مبهمي – لحسين  ينتمي

مثل  ما أنزل الباري بمكه آيات  الكتاب
كربلاء  المصحف الناطق نزله بأفصح  جواب
وآنا  يكفيني أنتسابي لاطهر وأشرف  تراب
كربلائي  وأفتخاري شرف هذا  الانتساب
صرخه نحو العلا- صرخه نحو العلا
ترجمتها كربلاء – ترجمتها كربلاء
كل حر مسلمِ - لحسين ينتمي

يالسان الناس أسكت وأحجي يالسان  الجراح
لاترفعون النواصي حسين راسه إعلى  الرماح
الناس  تبجي بالمدامع وآنا أبجي بالصفاح
فوق سرج المهر أنصب مأتم بسوح الكفاح
كل  أطياف  الدنا – كل أطياف الدنا
مزقوها  بالقنا – مزقوها  بالقنا
كل مافي العالمِ– لحسين ينتمي

حسين حين أنفتح جرحه أنفتحت أبواب الخلود
سلّمه المعبود بالطف سر مفاتيح  الوجود
كربلاء  أحسين أتضاها مسجد وصار  السجود
بين طعنات العوالي بين خفقات  البنود
سرأصحاب العبا – سر أصحاب العبا
احدقت  فيه  الضبا –أحدقت فيه  الضبا
كل فذ ملهمِ – لحسين  ينتمي