شاعر: أمجد صاحب الشطريرادود: أحمد الباوي
صبح و مسيه أنادي… يا زهراء
ما ننسه شبل الهادي… يا زهراء
يالوديعه الوديعه الوديعه
يالزهره خطينه إبحبر دمانه
دايم لبو اليمه يظل عزانه
يا فاطمة و حب السبط أمانه
بين النواظر و القلب مكانه
ما ينقطع معروفه …يا زهراء
فوق العوالي إنشوفه …يا زهراء
يالوديعه الوديعه الوديعه
هذا آنه شيعي و اعلنت ولائي
إبروحي و دليلي و نحري و بدمائي
اليوم أوضح قصدي و بندائي
طبعي موالي دربي كربلائي
حب السبط بإحساسي…يا زهراء
يتعايش إويه أنفاسي …يا زهراء
يالوديعه الوديعه الوديعه
حبينه شبل المصطفه بقناعه
خدامه إحنه و اليخدمه طاعه
ظل يكبر بأنفاسي ساعه ساعه
للشيعه باجر ضامن الشفاعه
حاشاه ما ينسانه …يا زهراء
طول العمر ويانه…يا زهراء
يالوديعه الوديعه الوديعه
واجب مقدس نمضي بالمسيره
بالخدمه واحدنه وضع مصيره
يالزهره و إنتي الطاهره الأميره
سبطج أبد ما نرضه والي غيره
عهد الوفد خطينه…يا زهراء
حسين إسمه عايش بينه…يا زهراء
حانت الساعه و هاجت المشاعر
الطف كربله زوار نمشي باجر
إبيوم أربعينه إنرخص المناحر
و كل خادم إيسجله بن مظاهر
يهتف هله بزواري…يا زهراء
و بشيعتي و أنصاري …يا زهراء
يالوديعه الوديعه الوديعه
مصدر النقل: موقع القصائد الولائية
3مشاهدة