شيعتك تدرينه

شيعتك  تدرينه……. من فضل بارينه
وعلى فطرتنه……. علت  صيحتنه
وبسمك  تسمينه …… من فضل  بارينه

صيحتنه  يا  سر الإله المكنون …… واسع  مداها
يالمعجزاتك  روعت گلب الكون …… يرهب  صداها
إنته  ومحمد مثل موسى وهارون …… شمس وضحاها
وانشرت  رايتنه….. وعينت  قبلتنه
وشرف تعيينك …. جهدك  الدينك
وصدقت  هادينه …. من فضل  بارينه

إنت ومحمد من فرد نور وروح ….. شاءت  الحكمه
خاواكم  الخاوى القلم ويا اللوح ….. رحمته  ونعمه
الرحمه محمد وإنت يا نعمة نوح …. عالشرك نقمه
الدينك  ويانه…. سجلت  عنوانه
بشفرة  الصارم  ….. وبالنصر  غانم
خلدت ماضينه …… من فضل  بارينه

تذكر  الآيه لفت الساق بساق…. يوم  المحاسب
وتحضر سلاسل نار يردوها وثاق…. للما تأدب
وإحنه  على حبك بالعمل عالميثاق …. يكفينه مكسب
وغانمه  مكسبنه …… حبك  الجاذبنه
هواك شاغفنه … و بيه  تشرفنه
وهالشرف يكفينه …. من فضل بارينه

وعلى الصراط الناس كلها برجواك ….. ترجى العداله
وما  يجزي غير البيده صط من يمناك ….. يمشي  بجلاله
يالصاحبت  سيد البشر صاحبناك ….. بسم  الرسالة
الچانو  يلومونه  ….. خلهم  يشوفونه
بروضة الجنة ….. شلون نتهنه
وبالحلل چاسينه ….. من فضل بارينه

ويوم  اليعض الظالم إيده ويگول ….. إرجعني  يارب
يناديه  يالچنت  بحياتك مجهول ….. لجهنم  إذهب
وإحنه بولاكم يا وصي المرسول ……. عزنه يترتب
ونسرع بمسرانه …… للخلد  وجنانه
هناك عزتنه …. هناك  نعمتنه
وفضلك يراعينه ….. من فضل  بارينه

ويوم العبوس القنطرير المعلوم … تحير  بنجاها
أهل الوجوه الخاشعه الچانت دوم …. تتبع  هواها
ومن الوجوه الناعمه البيها رسوم … جوهر  ولاها
بالوجه سيمانه… وعينك  الترعانه
وبقلم حكمه …. بدفتر  الرحمه
ياعلي  مسجلينه ….. من فضل بارينه