شاعر: راضي الفيصليرادود: أحمد الباوي
شعاتب زماني .. سطرني وعماني .. يتيمة وسبية .. بخرابة رماني
يحادي الظعون أسمع كلامي .. لبوية الحسين وصل سلامي
…
أحمل مراسيل العتب بعيوني .. تحچيها دمعة
وقلم السياط أنكتب فوق أمتوني .. كل چلمة وجعة
أبعمر الورد من الغصن قطعوني .. وسنيني نبعة
صوتي أعلى سمعي أنقطع قبل أظعوني .. منهو اليسمعة
أنا بهاي الخرايب .. عليمن أعتاب .. لحد ماحضني .. حضنت المصايب
يجن الغروب وأحچي الظلامي .. لبوية الحسين وصل سلامي
…
لو قايسو بالكون حزن الاثقال .. منهي العظيمة
أثقل وزن من الفلك والاجبال .. دمع اليتيمة
أنا إلي همي صار إلي مثل اضلال .. من هالجريمة
لاني بفرح ولاحالي حال الاطفال .. والله هضيمة
يالليل اليتامة .. يخوف ظلامة .. غريبة ويتيمة .. أنا شلون أنامة
لون مرني طيف صحت بمنامي .. لبوية الحسين وصل سلامي
…
شرد أنسى من درب اليسر ياعثرة .. مو بيدي وأعثر
ذاك السطرني شفت چفة أشبكرة .. من خدي أكبر
دام أحملت أسم الزچية يالزهرة .. آلامي تكثر
مأدري ورى أي باب أحمل عصرة .. وضلعي تكسر
أجيت بدمعتي .. تبرد حسرتي .. أشبقة من الضعينة .. يسلي الغربتي
صحت بالوداع هذا مرامي .. لبوية الحسين وصل سلامي
…
سديت باب العتب عن الخلان .. وضليت أكابر
أمالي ضاعت بالخيم والنيران .. وبين الحوافر
لو أنسى الآلم السبي أمن العدوان .. خيل وعساكر
شلون أنسى چان بحضني راس العطشان .. يحچي بنواظر
قنوتي وصلاتي .. دعيت المماتي .. على راس أبوية .. تخلص حياتي
قلت ياإله وأنا بقيامي .. لبوية الحسين وصل سلامي
…
مصدر النقل: موقع القصائد الولائية
2مشاهدة