سواد الليل من جلجل

سواد  الليل من جلجل زينب طلعت إبهالبر
و  بين  أجساد إخوتها تمشي و بيها تتعثر

إعله جسم حسين من وصلت ما جانت تصدق العين
من  نادت  ياهالمذبوح صدق إنت أخويه حسين
إخلصت  أيام  عمري إوياك و ظلت منها بس يومين
وياك و خلص عمري…بس يومين من دهري
الظلت  عايشه  إبفكري
و صرت يا خويه باليومين أهيم و بيهن أتذكر

إلي  يومين يا خويه أذكرها إبقلب مجمور
يوم  الثالث إبشعبان و يوم العاشر  إبعاشور
و  جنت  إمدلل و حولك أملاك السمه و الحور
الأملاك  إنزلت عندك…تهني إبجيتك  جدك
و جبريل اليهز مهدك
عقب ذاك الوضع لني أشوفك بالثره  إمعفر

أشوفك  يوم  من تبجي يهزك بالمهد جبريل
أشوفك  يوم  عالغبره على جثتك تجول الخيل
طريح  و  محد يحضرك يحرسك من وحوش الليل
ما  واحد  حضر يمك…يعالج لك نزف دمك
و  لا  واحد  إجه  و لمك
و لاو احد إجه و ظلل يخويه من الشمس و الحر

أشوفك  يوم  يبن أمي على صدر النبي جالس
و  يوم الثاني أنظر بيه على صدرك شمر  دايس
و ريجك هذا قلي إشلون أشوفه من العطش  يابس
يا خويه ومني تاه الراي…بعد ما صدقت  عيناي
تموت و هذا جاري الماي
منه  ما دقت قطره و قلبك ضامي و إمفطر