ريّض وتانيني يالمهر حاچيني

ريّض وتانيني………… يالمهر حاچيني
تصهل شمالك…… وين  خيالك
منصرع دليني……. يالمهر حاچيني

سهم  المثلث من گطع گلب حسين….. وجروحه  كثره
من  مهره  ساجد هوى بمحراب الدين….. والقبله صبره
بالمهر چني واجف بذاك الحين….. ودهشني  أمره
بالترب  يترب…… وبالدمه  يتخضب
وانمرد حالي….. وصاح دلالي
منفجع تدريني…. يالمهر حاچيني

عيني  العمى  ولاشاهدت ذاك الحال….. يشهد لي  ربي
ظهر المهر محني على خياله ظلال….. وعيونه تربي
وصرخت  لاتلچم صوابه الچتال…… وگطعت گلبي
ضلوعك المحنيه….. وگصتك المدميه
صابت عيوني….. وادمت جفوني
وانطفى صبي عيني….. يالمهر حاچيني

چم دوب حايم يالمهر عالمصيوب…… إگصد خيامه
مطروح خيالك وسرجك مگلوب……. والدم  علامه
تلاگيك زينب والگلب منها يلوب….. ترجى السلامه
لو رحت بعلومه…… وآنه اظل  بالحومه
يم ابو اليمه…… واسبح  بدمه
وانتحب خليني….. يالمهر  حاچيني

الله على التل المهر لمن صار…. صاح الهضيمه
وشاف المخيم نار وتذب النار….. خيمه على خيمه
ويسمع صريخ العايله ياستار….. طحنه  بظليمه
وشاطت المحجوبه…… عالمهر مرعوبه
ولزمت  عنانه……. بروح  خلصانه
مگبلك سابيني……. يالمهر  حاچيني

چن المهر ناداها بلسان الحال…… والسانه  نوحه
مصيوب أخوچ بسهم ماضي وچتال…… تنزف جروحه
ألف  وتسع مية جرح ماتنشال….. وخلصت روحه
من سهم غربتها….. فجرت  دمعتها
ي_ال_ثگل ون_ك…. رادت_ي م_ن_ك
لمصرعه توديني……يالمهر حاچيني

چن المهر ناداها گلبي مخطوف…… وخطفه المصرع
والله  يازينب  ما إلي عين تشوف….. گلبي  تگطع
بزان  ونبل  ورماح واشفار سيوف…… جسمه  توزع
جيتچ  بهالعينه….. دمه  وتعرفينه
إخذي  علومه….. مني  دمومه
نادته حنيني….. يالمهر حاچيني

وعلى  المهر للحرم صارت حومه…… صرخة  يتامه
وبناصية  مهر الحسين علومه….. دم  الكرامه
وانخبط  دم الحرم ويا دمومه….. وامضت  سهامه
زينب  وموقفها….. عالصبر  شرفها
يالمهر هونك….. والصبر  عونك
والصبر  يكفيني….. يالمهر  حاچيني