خويه الليل ادري بيك يفجعني

خويه  الليل ادري بيك يفجعني *** وانت اتريد هالليلة  تودعني
بحماك بس هالليلة ** وياك بس هالليلة

هذا  الليل  صبحة اعلينا هل بين **** وسهم الموت لفادي ابعجل عين
اتمحن يخوية اخلافك اتمحن **** على بختك يخوية لا تضيعني
بحماك بس هالليلة ** وياك بس هالليلة

اشوف الليل يطوي صفحة ايامي **** يغربني وضل ابمحنة  ايتامي
واتروح الليالي الحلوة واحلامي **** بعد المن اصيحن يا هو  يسمعني
بحماك بس هالليلة ** وياك بس هالليلة

تريد  اتروح باصرني يخوية حسين **** انه اختك بعد عينيك اروحن وين
مالي حيل عالتوديع لا تمكين *** بعد ما ظن زماني اوياك يجمعني
بحماك بس هالليلة ** وياك بس هالليلة

شيمتكم اظن ما ترضى اتغرب *** خدري اشلون لوترحون يتسلب
صحت  بحماكم آنه ام الخدر زينب *** ومنهو اوياي يبقى من يرجعني
بحماك بس هالليلة ** وياك بس هالليلة

حسبتوا احساب يهلي للصبح لو طر **** حسبتوا وين امشي انا والخدر
اشوف  الموت  خويه اعلى الخيم يفتر **** الخيل الخيل من تهجم  تروعني
بحماك  بس هالليلة ** وياك بس هاليلة

ما جان اعلى بالي هالوعد ما جان *** غريبة لا خدر لا هيبة  لاصيوان
واتيسر  يخوتي وافتر البلدان **** اخوتي اشلون بين العدى اتغربني
بحماك بس هالليلة ** وياك بس هالليلة

اخير  اوداع  خل اشبع نظر منكم **** تودعوني يخوتي وخل  اودعكم
تضيعوني  وسافه وآنه اضيعكم **** واعداكم اشوفن من  تسلبني
بحماك بس هالليلة ** وياك بس هالليلة

شيفيد  اعتاب لو نتعاتب الليلة **** وآنه ادري تصير ابرقبتي  العيلة
اظل وحدي وياهو المنكم اشكي له *** ودهري ابكربلاء منكم  يخيبني
بحماك بس هالليلة ** وياك بس هالليلة