حيدر حيدر

حيدر  حيدر حيدر  حيدر
ما نقدر نصبر ما نقدر

لو كل الناس  إيعادونه
نهتف بإسمك و يسمعونه
نتحده للي  يتهمونه
إنت الحق و غيرك منكر

هاي  الأرواح  إنضحيها
هاي الأجفان  إمفصليها
و  هاي القامات  إملوحيها
إحنه إفروعك و إنت المصدر

صرخات  و  بالدم  نرفعها
بيعتنه  إبدمنه  إنوقعها
و  العدوانك   منطاوعها
نلبس  أجفان و  نتحضر

ما  ننسه حسين و لا  يومه
و  اللي يرخص دم  لتلومه
هاي الأرواح المهضومه
و  الضلع  البلباب  إتكسر

رغم المغرور  بأيامه
إنواسي  العباس و آلامه
رغم  النيران اللي  تسعر

فتوتنه ابهالدم  تتسجل
يالتنكر  فكرتنه و  تجهل
يا  راس إتصوب  بالمحمل
نصرخ  بالدمعه  التتفجر

نتطبر  بإسمك نتطبر
إبفكرة  غيرك ما نتأثر

عنك  هيهات  إيحجبونه
نضرب  قامه  و ما يهمونه
عنك نتنازل يردونه
مهما  عملوا  ما  نتغير

و إدموم الأجلك  نجريها
إنوقعها إبدمنه و  نمضيها
تعرفنه  الدنيه  و ما  بيها
ما نتراجع لو  نتوذر

و اللي ما سامع  يسمعها
و إجروح الروس  إنوسعها
قامات إبجفنه إنشرعها
لمصاب  أولادك  نتذكر

باجر  دمنه إيواسي إدمومه
نكشف  غايتنه  المكتومه
ما ننسه الزهره  المظلومه
لجله  الدم باجر  يتنثر

إنقدم دمنه و نضرب  قامه
و العامود الصوب  هامه
رغم  السلبوا  خدر  الخدر

لا تتغير لا  تتأول
من  محمل  زينب روح إسأل
و  إحنه إبزينب خل  نتمثل
عن  هالواجب ما  نتأخر