حسين يا إبنَ فاطمة

حسين يا إبنَ فاطمة حسين

يا  حزن عاشور زيد فوق  أحزاني
آنا  شفتك نور ناصع  إبوجداني
آنا  قلبي مفتون و العشق  ديني
آنا عقلي مجنون فقط بحسيني
يا حزن و إشما شفت منك أذيه
أبقه  خادم للأبد لإبن  الزجيه
آنا  من حيني…عبد لحسيني…و لله و  نبيه

هالمحبه إتلوق للحسين الغالي
لأن هالمعشوق بالقلب للتالي
أبقه هايم و اللوم ما  يغيرني
إبقلبي إسمه موشوم رفض يهجرني
رغم  لوم الناصبي و رغم  المآسي
الحسين إبنَ علي تاج إعله  راسي
رغم آلالامي…و عثرة أيامي…يشتد  حماسي

يا  فرات إعليك كل عتاب آلالامي
ما تقلي إشبيك ما رويت  الضامي
من عسه إجروفك هاي تمل و  إتعوفك
ما تظل قطرة ماي تروي  بجروفك
الماي هذا الب الأرض مهر الزجيه
و إنت عطشت الحرم بالغاضريه
نشف معروفك…عطشوا إضيوفك…الحد المنيه

آنا بيه إهموم عالقلب  مطروحه
أذكر المظلوم نازفات  إجروحه
دمعتي إعله الضلعين جمر  يحرقني
حسرتي إعله الجفين ما  تفارقني
أذكر  التل الرفع صوت  العقيله
أذكر الونه الكلت صدر  العليله
أذكر  رقيه…طفله  و سبيه…بالهم قتيله