بين الأشرار مابين النار

بين    الأشرار    …….مابين    النار
وآنه اركض من خيمة لخيمة وبحالي اشصار

هاي ام الحزن زينب المظلومه…. الحاربها الزمان بغدرة  وهمومه
حين الطاح اخوها حسين بالحومه…. شاطت و الدموع ادموم مهضومه
صاحت يحسين…. يانور العين
جاوبني  مروتك يبن امي مو كلبي احتار

انشدك  بالمحبة  البينك و بيني…. آنة اختك يبو السجاد  حاجيني
قبل  عينك عساها غمُّضت عيني…. إذا بعدك عدل انخاك  تحميني
وصلتني الخيل…. وآنة بلا  حيل
حيَّرني وخلاني وحيدة دهري الغدار

خيم  شبت النار بكل كتر بيها ….وآنة لوحّدي وشلون  اطفيها
ومن  شر الاعادي عيال احميها ….واطفالي التضيع اشلون القيها
اجمع اطفال ….لو احمي اعيال
لو اشكف سوط البمتوني تارك  آثار

اطفال  و حرم مرعوبة محتاره…. جم طفل الشرد والنار  بكتاره
ما بين الاجاني ودمعة يتجاره…. مابين اليصد للشاطي  بانظاره
جاني العباس…. راعي النوماس
بيدة  الجود و بيدة الراية و بيدة  البتار

علي السجاد يبن امي شده ببالي…. اعاين حالتة ويعاين  لحالي
من  هضمي  صحت يا قلّة الوالي ….عليّ مرت قصص مامرت  ببالي
ماواحد         قال         ….شايف        الخيال
ياخذني بليل لكبر امي حمّاي الجار

خلاني  وحيدة الزمن خلاني…. بالغربة و اخذ من عندي  ولياني
على  امي بالمصايب زادت احزاني…. وبيا حال ليل الخوف وافاني
احرس           ايتام          …ياعين           اتنام
وبلوعة الوالد ناديتة وين  الكرار