بيك أيام عمري سعيدة

بيك أيام عمري سعيدة ..
يال هليت دنيه جديدة ..
يا اللي صفيت من عمري عيده ..
يا طفلي المحبوب .. يا طفلي المحبوب ..

يا ريحانة عمري ال يجري يسقيك من الروح ..
يا فرحة و هلت بسنيني يا بلسم الجروح ..
لحسين نذرتك يا وليدي وردة حب تفوح ..
و بحب العترة الميمونة و بحب طه تبوح ..
هم تدري يا ابني بيتك قلبي و عيوني ال ترعاك ..
انت عيون قلبي و ضواها .. بيك الروح خضر مناها ..
يوم الفرح باسمك نعيده .. يا طفلي المحبوب ..

يا شمعة بيتي ال ما تطفى منها البدر يغار ..
من تناديني يا بابا قلبي يصير أوتار ..
يغني حجاياتك يعزفها و يرددها الدار ..
ضحكاتك حلوة و نعشقها كلنا صغار كبار ..
كلنا نحبك نلهج و الباري سلوى سواك ..
يا اللي العين تربي على دربك .. فرحانين بيك و نحبك ..
قلبي صرت انت نشيده .. يا طفلي المحبوب ..

خادم ردتك لابن الزهراء روحك تفديها ..
يا اللي علمتك حب العترة نورتك بيها ..
كل سنينك لو رادوها الهم تنطيها ..
خلي لسانك ليل نهار بس يلهج بيها ..
بس العترة هناك تفيدك و حيدر يتلقاك ..
يا ابني هناك عترة محمد .. تنجيك ما يفيدك أحد ..
ال عاف حسين محد يفيده .. يا طفلي المحبوب ..

يا ابني و حصنتك بالاكبر من شر عين الناس ..
و بزينب حصنتك يا ابني بحسين و عباس ..
اخدمهم و انصرهم حتى تظل مرفوع الراس ..
و ال كل حر بهاي الدنيا خدمتهم مقياس ..
ما ربيتك صدق آنا حسين اللي رباك ..
حق عليك توفي بوعوده .. و تنهض دوم نهضة جنوده ..
اهديتك اله أحلى قصيدة .. يا طفلي المحبوب ..