إذا إحنه على الحق ما يهمنه

إذا إحنه عله الحق ما يهمنه
نموت و خل ندافع عن  قيمنه
علي  إبهذا شعاره…كتب أروع عباره
نموت و خل ندافع عن  قيمنه

علي الأكبر إبدرب الطف يسمع والده  إسترجع
تسير  القوم لمن قال و ما تدري الأجل  يتبع
يا بويه يقله إحنه إذا عالحق فلا  نجزع
كلما  صار  ما نهتم لون بالحومه نتقطع
نشامه و الممات إلنه سعاده
كرامتنه من الباري  الشهاده
شرف و أعظم تجاره…كتب أروع عباره
نموت و خل ندافع عن  قيمنه

ترك إلنه علي عبره عله طول الزمان إتفيد
كرامه يالتريد إتعيش للذل ما تمد  الإيد
و اليسلك طريق الحق ليقول الطريق إبعيد
حسين إبكل عصر موجود و موجود اللعين إيزيد
و  اللي  إبيوم الوغه يثبت  وجوده
على طول المده إيحصل خلوده
يحقق إنتصاره…كتب أروع عباره
نموت و خل ندافع عن  قيمنه

إبنفس  المقتنع لازم دوم إيريد عزتها
و ناس التعتقد بالحق تدافع عن  عقيدتها
و  التشتري إبنزف الدم بالدنيه كرامتها
حته الموت ما يقدر يجبرها إعله ذلتها
علي إبثوب الصبر و العز تحله
و  عله العزه التربه من  يذله
شهم و بكل جساره…كتب أروع عباره
نموت و خل ندافع عن  قيمنه

الأكبر  نظرته لحسين إبهذا المعنه و  المفهوم
مو بس والده إينظره إمام من الأزل معصوم
و ما طول العمر يقضي و محد بالحياة  إيدوم
و  مشرد ما كو من الموت ساعة موعد  المحتوم
و البرب العرش ثابت  يقينه
يفوز  و ياخذ إكتابه إبيمينه
و  مصير الشك خساره …كتب أروع  عباره
نموت و خل ندافع عن  قيمنه

إحنه عن شجاعتنه يالرايد  تناشدنه
من موقف علي الأكبر هذا الموقف  العدنه
جم ظالم و جم إيزيد ما غير عقايدنه
و  عن نصرة أبو السجاد يا خوف الذي  يردنه
على حد الخطر يا ما مشينه
طريق الطف يظل شاهد علينه
و  اللي إبدمه قراره…كتب أروع  عباره
نموت و خل ندافع عن  قيمنه

العباده  الصادقه  بالطف رددها علي  الأكبر
و من بعده بقت أجيال إبهذا الشاب  تتأثر
و  الحسبونه نتنازل عن حب الوصي  حيدر
الما بايع علي و الله دنيه و آخره  يخسر
إخو الهادي علي و صهره  ووصيه
إله  وحي السمه أده  التحيه
علي إبخيبر فقاره …كتب أروع عباره
نموت و خل ندافع عن  قيمنه