إجت حته الملائك بالموادع تشارك

إجت حته الملائك ….بالموادع تشارك…وداعاً يا حسين

عين السمه و قلب السمه دمعه و جمر  عالمظلوم
مشهد  امن  القاع إنرسم إبعين الكواكب  مرسوم
حسين الشمس و إتودعه زينب و لطفال  إنجوم
و  القمر  عباس القمر ما بين لخيام  إيحوم
و الإشعاع… دم إوداع …من كل عين  يتلاله
للأفلاك…  للأملاك… هاي الدمعه  تتعاله

إبعين القلم دمع القلم يجري و عله اللوح  يسيل
و  فطرس  جذب ونة قهر ترجم حزن  جبرائيل
مو  خيمه هذي ابكربله هذي جنح  ميكائيل
إبجنحه جمع هالعايله و أطفال سر التنزيل
و  صوت  البين… بإسم حسين…يصيح و ينظر  النحره
و  للأطياب …هاي إرقاب…الصليل السيف  منتظره

صوت إعتله بأوج العله و يتعاله غيم الآهات
القرآن  سبط المصطفى و سكنه و رقيه  الآيات
و العايله إحروف السور هالليلة يجون عبرات
الإنجيل  زينب بت علي و بدر الهواشم  تورات
و التأويل… عالتنزيل… دمعاته يسيلن  دم
ابهدوة ليل… و الإنجيل… قبل جبهة المحكم

هاي الخيم أطهر خيم كعبه و تحج بيها إعيال
و الحجر قلب أم الخدر يجمع نفير الأهوال
و مذبح إسماعيل المهد و عبدالله طيف الآمال
و  زمزم تفجر بالحزن إبعين الحرم و  الأطفال
مدمع  سال…  ظل همال… ضيم و قهر  يتجاره
جنه نمرود …رد إردود… تدوي ابكربله  ناره

الليله  الغرايب آمنه إبظل الأهل و  الوليان
آمن قلبها و مبتشر و اعليها محني  الصيوان
باجر  أهلها  اعله الترب و ابلايه روس  الأبدان