أبيات أبوذيّه

عله  اجفوف الوفه يمكم وصلنه
نظل  اخوه  فلا نقطع  وصلنه
أصلكم حيث من حيدر  وصلنه
و جمعنه اليوم حب حامي الحميه
(سيد سعد الذبحاوي)

يا طير الشوق لرض الغري  ودنه
نجدد عهد وي والينه  ودنه
نقله  الأجل بعدك قرب  ودنه
دصد لينه يحماي  الحميه

دمع  عيني  دمه امن العين  منصاب
عله  اللي  ساجد و بالهام  منصاب
إلك مآتم علي ابكل قلب  منصاب
و نعزي ولدك ابهاي  المسيه

الدهر ما ندري  ياريت
و ليالينه علينه بظلم  ياريت
بويه يريت اتشوف حالي الليله ياريت
يتيمه  وموحشه دارك  عليه

انهد حيلي واون و انحب بيا  حال
و هالحسبات هالدنيه بيا حال
إجانه العيد أعيدنه بيا  حال
و عشر ليتام الفركَه عليه
(هيثم  سعّودي  الكربلائي)